ပြင်သစ်သမ္မတအမ်မန်နူရယ် မက်ခရွန်ရဲ့ ပါလက်စတိုင်းနိုင်ငံကို ပြင်သစ်က အသိအမှတ်ပြုဖို့ ရည်ရွယ်ကြောင်း မှတ်ချက်တွေဟာ အရာမဝင်ဘူးလို့ အမေရိကန်သမ္မတ ဒေါ်နယ်လ် ထရမ့်က ပြောကြားခဲ့ပါတယ်။
“သူ့ရဲ့ ကြေညာချက်ဟာ ဘာအဓိပ္ပာယ်မှ မရှိပါဘူး။ သူကအရမ်းကောင်းတဲ့လူတစ်ယောက်ပါ။ ကျွန်တော် သူ့ကို သဘောကျပါတယ်။ ဒါပေမဲ့ အဲဒီကြေညာချက်က အရာမဝင်ပါဘူး” လို့ သူက သတင်းထောက်တွေကို ပြောကြားခဲ့ပါတယ်။
ပြင်သစ်သမ္မတက ဇူလိုင် ၂၄ ရက်နေ့မှာ ပြင်သစ်ဟာ စက်တင်ဘာလ ကုလသမဂ္ဂအထွေထွေညီလာခံမှာ ပါလက်စတိုင်းနိုင်ငံကို တရားဝင် အသိအမှတ်ပြုမယ်လို့ ကြေညာခဲ့ပါတယ်။
အိုင်ယာလန်၊ စပိန်နဲ့ နော်ဝေတို့ဟာ ၂၀၂၄ ခုနှစ်မှာ အရှေ့အလယ်ပိုင်းမှာ တင်းမာမှုတွေ မြင့်တက်နေတဲ့ကြားက ပါလက်စတိုင်းနိုင်ငံကို အသိအမှတ်ပြုကြောင်း ကြေညာခဲ့ပါတယ်။ အစ္စရေးကတော့ ဒပ်ဘလင်၊ မက်ဒရစ်နဲ့ အော့စလိုတို့က သံအမတ်တွေကို ပြန်လည်ခေါ်ယူပြီး ညှိနှိုင်းမှုတွေ ပြုလုပ်ခဲ့ပါတယ်။ အိုင်ယာလန်၊ စပိန်နဲ့ နော်ဝေ သံတမန်မစ်ရှင်အကြီးအကဲတွေကို အစ္စရေးနိုင်ငံခြားရေးဝန်ကြီးဌာနကို ဆင့်ခေါ်ခဲ့ပါတယ်။
အရင် ဆိုဗီယက် ယူနီယံကလည်း ပါလက်စတိုင်းနိုင်ငံကို ၁၉၈၈ ခုနှစ်က အသိအမှတ်ပြုခဲ့ပါတယ်။