ပြင်သစ်နိုင်ငံ၊ ပါရီမြို့၌ ယခုနှစ်အတွင်းကျင်းပပြုလုပ်မည့် ပါရီအိုလံပစ်ပွဲတော်၏ မသန်စွမ်းအားကစားပြိုင်ပွဲအမျိုးအစားတွင် မြန်မာနိုင်ငံမှ မသန်စွမ်းပြေးခုန်ပစ် ကစားသမား မောင်စိုးပေ ဝင်ရောက်ယှဉ်ပြိုင်ခွင့်ရရှိခဲ့ကြောင်း သိရသည်။
၎င်းသည် အမျိုးသားမီတာ(၁၀၀) နှင့် (၂၀၀) ပြိုင်ပွဲတို့တွင် ဆေးအဆင့် (T 64) (ဒူး အောက်တစ်ဖက်) ဖြင့် ဝင်ရောက်ယှဉ်ပြိုင်ရမည်ဖြစ်ပြီး၊ ပြီးခဲ့ည့် လေးနှစ်အတွင်း နိုင်ငံတကာပြိုင်ပွဲများတွင် ရွှေတံဆိပ်သုံးခု၊ ငွေတံဆိပ်တစ်ခုနှင့်ကြေးတံဆိပ်ငါးခု စုစုပေါင်း ဆုတံဆိပ်ကိုးခု ရရှိခဲ့သည့်အတွက် မသန်စွမ်းအိုလံပစ်အားကစားပြိုင်ပွဲတွင် ဝင်ရောက်ယှဉ်ပြိုင်ရန် ဖိတ်ကြားခြင်းခံရကြောင်း သိရသည်။
ကိုစိုးပေသည် ပါရီမသန်စွမ်းအိုလံပစ်အားကစား ပြိုင်ပွဲသို့ အုပ်ချုပ်သူတစ်ဦး၊ နည်းပြ တစ်ဦးနှင့်အတူသွားရောက် ယှဉ်ပြိုင်နိုင်ရမည်ဖြစ်ကာ၊ လက်ရှိတွင် လေ့ကျင့်ပြင်ဆင်မှုများပြုလုပ်လျက်ရှိကြောင်း သိရသည်။
အလားတူ မြန်မာ့ကြက်တောင်မယ် သက်ထားသူဇာသည်လည်း ပါရီအိုလံပစ်ပြိုင်ပွဲသို့ ဝင်ရောက်ယှဉ်ပြိုင်ခွင့်ရရှိခဲ့ပြီဖြစ်ကာ၊ သူမသည် နိုင်ငံတကာ လက်ရည်စမ်းပွဲများမှ ရမှတ် (၃၂,၆၃၀)မှတ်ဖြင့် အဆင့်ရပ်တည်မှု (၂၂ )နေရာတွင် ရရှိခဲ့ခြင်းကြောင့် ယှဉ်ပြိုင်ခွင့်ရရှိခဲ့ခြင်းဖြစ်သည်။