ပါကစ္စတန်နိုင်ငံမြောက်ပိုင်းတွင် မုတ်သုံမိုးသည်းထန်စွာရွာသွန်းမှုကြောင့် ရေကြီးရေလွှမ်းမိုးမှုများဖြစ်ပေါ်ခဲ့ပြီး လွန်ခဲ့သည့် ၄၈ နာရီအတွင်း ေ-သဆုံးသူ ၃၂၁ ဦးထက်မနည်းရှိခဲ့သည်ဟု အာဏာပိုင်များက စနေနေ့တွင် ပြောကြားခဲ့သည်။
တောင်တန်းဒေသ ခိုင်ဗာပက်ရှ်တန်ခွာပြည်နယ်တွင် ေ-သဆုံးသူ ၃၀၇ ဦးအထိ ရှိခဲ့ကြောင်း ပြည်နယ်သဘာ၀ ဘေးစီမံခန့်ခွဲရေးအာဏာပိုင်အဖွဲ့က ပြောကြားခဲ့သည်။
ေ-သဆုံးသူများထဲတွင် အမျိုးသမီး ၁၅ ဦးနှင့် ကလေး ၁၃ ဦးပါဝင်ပြီး အများစုသည် ရုတ်တရက်ရေကြီးမှု၊ နေအိမ်များပြိုကျမှုကြောင့်ဖြစ်ပြီး ဒဏ်ရာရသူ ၂၁ ဦးရှိခဲ့ကြောင်း သိရသည်။
ကယ်ဆယ်ရေးလုပ်သား ၂,၀၀၀ ဝန်းကျင်သည် သဘာ၀ ဘေးကျရောက်ခဲ့ရာ ခရိုင် ၉ ခုတွင် အပြိုအပျ-က်များအောက်မှ ရုပ်အလောင်းများကို သယ်ထုတ်ခြင်းနှင့် ကယ်ဆယ်ရေးလုပ်ငန်းများဆောင်ရွက်နေပြီး ဆက်လက်ရွာသွန်းလျက်ရှိသောမိုးကြောင့် လုပ်ငန်းများအနှောင့်အယှက်ဖြစ်နေရသည်ဟု ပြည်နယ်ကယ်ဆယ်ရေးဌာနက အေအက်ဖ်ပီကို ပြောကြားခဲ့သည်။
“နေရာများစွာမှာ မိုးသည်းထန်ပြီး မြေပြိုနေတာနဲ့ နောက်လမ်းတွေရေတိုက်စားခံလိုက်ရတာက အကူအညီတွေပို့ဖို့ အထူးသဖြင့် စက်ယန္တရားကြီးတွေနဲ့ လူနာတင်ယာဉ်တွေပို့ဆောင်ဖို့ရာ အဓိကအခက်အခဲဖြစ်နေပါတယ်” ဟု ခိုင်ဗာပက်ရှ်တန်ခွာပြည်နယ် ကယ်ဆယ်ရေးဌာန ပြောရေးဆိုခွင့်ရှိသူက ပြောကြားခဲ့သည်။
“နေရာအများစုမှာ လမ်းတွေပိတ်ကုန်တာကြောင့် ဝေးလံသီခေါင်တဲ့ အရပ်တွေမှာ လုပ်ငန်းတွေဆောင်ရွက်ဖို့ရာ ကယ်ဆယ်ရေးလုပ်သားတွေ ခြေလျင်သွားနေကြရပါတယ်” ဟု ၎င်းက ဆက်လက်ပြောကြားခဲ့သည်။
ပြည်နယ်အစိုးရသည် ဆိုးဆိုးဝါးဝါး ထိခို-က်မှုရှိနေသော တောင်တန်းခရိုင်များကို သဘာ၀ဘေးသင့်ဒေသများအဖြစ် ကြေငြာထားသည်။
ပါကစ္စတန်အနောက်မြောက်ပိုင်းတွင် နောက်နာရီအနည်းငယ်အတွင်း မိုးသည်းထန်စွာရွာသွန်းနိုင်သည်ဟု မိုးလေဝသဌာနက သတိပေးထားပြီး ပြည်သူများအနေဖြင့် ကြိုတင်ကာကွယ်ရေးအစီအမံများကို လုပ်ဆောင်ထားကြရန် တိုက်တွန်းခဲ့သည်။
ref: ဗန်ကောက်ပို့စ်