နှစ်လအတွင်း မြန်မာ MoU အလုပ်သမား ၁၀၀၀၀ ခန့်အား မြဝတီ-မဲဆောက်လမ်းကြောင်းမှ ထိုင်းနိုင်ငံသို့စေလွှတ်နိုင်ခဲ့

ထိုင်းနိုင်ငံ၌ အလုပ်လုပ်ကိုင်ရန် မြန်မာ MoU အ လုပ်သမား အမျိုးသား၊အမျိုးသမီး ၉၃၂၈ ဦးအား မေလနှင့်ဇွန်လ(နှစ်လ)အတွင်း မြဝတီ-မဲဆောက်လမ်းကြောင်းမှတဆင့်စေလွှတ်ခဲ့ပြီးဖြစ် သည်ဟု ထိုင်းနိုင်ငံတိုင်ရာ မြန်မာအလုပ်သမားသံအရာရှိရုံးမှ သိရသည်။

မြန်မာ-ထိုင်း နှစ်နိုင်ငံကြားတွင် MoU စနစ်ဖြင့် အ လုပ်သမားစေလွှတ်ခြင်းအား ကိုဗစ်(၁၉)ရောဂါကြောင့် ယာယီရပ်နားထားခဲ့ရာမှ နှစ်နိုင်ငံညှိနှိုင်း၍ ၂၀၂၂ခုနှစ် ၊မေ ၁၀ရက်မှစတင်ကာ ပြန်လည်စေလွှတ်ခဲ့သည်။

ထိုသို့ စေလွှတ်ခဲ့ရာ မေလနှင့်ဇွန်လအတွင်း မြဝတီ – မဲဆောက်လမ်းကြောင်းမှ ၂၃ ကြိမ်ရှိပြီဖြစ်ကာ ပြည်ပအလုပ်အကိုင်အကျိုးဆောင်(ထိုင်း) လိုင်စင်ရအေဂျင်စီ ၂၅ ခုမှ ထိုင်းကုမ္ပဏီ ၇၂ ခုသို့ မြန်မာ MoU အလုပ်သမားများအား စေလွှတ်ပေးခဲ့ကြောင်း သိရသည်။

မြန်မာ MoU ပလုပ်သမား အမျိုးသား ၅၂၅၂ ဦး၊အမျိုးသမီး ၄၀၇၆ ဦး(စုစုပေါင်း ၉၃၂၈ ဦး)အား ထိုင်းနိုင်ငံ၌ အလုပ်လုပ်ကိုင်ရန် စေလွှတ်ပေးနိုင်ခဲ့ကြောင်း သိရသည်။

အဆိုပါ မြန်မာ MoU အလုပ်သမားများအား နယ် စပ်စခန်းများ၌ မြန်မာအလုပ်သမားသံအရာရှိရုံးနှင့်ထိုင်းနိုင်ငံတာဝန်ရှိသူများမှ ကြိုဆိုလက်ခံ၍ သက်ဆိုင်ရာလုပ်ငန်းခွင်သို့ ရောက်ရှိသည်အထိချိတ်ဆက်ပို့ဆောင်ရန်ကူညီပေးခဲ့ကြသည်။

ထိုင်းနိုင်ငံသို့ MoU စနစ်ဖြင့် တရားဝင်သွားရောက်လုပ်ကိုင်ခြင်းဖြင့် သက်ဆိုင်ရာနိုင်ငံတွင် စနစ်တကျနေထိုင်အလုပ်လုပ်ကိုင်နိုင်ခြင်း၊အ လုပ်သမားများ၏ ရပိုင်ခွင့်နှင့်အခွင့်အရေးများ နစ်နာဆုံးရှုံးမှုမရှိဘဲ ရသင့်ရထိုက်သည့် အခွင့်အရေးများရရှိခံစားနိုင်ခြင်း၊သက်ဆိုင်ရာနိုင်ငံ၏ တည်ဆဲဥပဒေများနှင့်အညီ အကာအကွယ်ရရှိနိုင်ခြင်း အကျိုးကျေးဇူးများရရှိနိုင်မည်ဟု မြန်မာအ လုပ်သမားသံအရာရှိရုံးမှ သိရသည်။