နျူလက်နက်စွန့်ရန် အီရန်ကို ကုလအကြီးအကဲ တောင်းဆို

အီရန်နိုင်ငံသည် နျူကလီးယားလက်နက်ထုတ်လုပ်ရန် ရည်ရွယ်ချက်မရှိကြောင်းကို ရှင်းလင်းစွာဖော်ပြခြင်းဖြင့် ဒေသတွင်းနိုင်ငံများ၊ အမေရိကန်ပြည်ထောင်စုတို့နှင့် ဆက်ဆံရေးတိုးတက်စေရေးအတွက် ပထမဆုံး စတင် လုပ်ဆောင်ရမည်ဟု ကုလသမဂ္ဂအတွင်းရေးမှူးချုပ် အန်တိုနီယို ဂူတာရက်စ်က ဗုဒ္ဓဟူးနေ့တွင် ပြောကြားခဲ့သည်။

ဂါဇာပဋိပက္ခတွင် ပါဝင်နေသော ဘက်အားလုံးအနေဖြင့် နှစ်နိုင်ငံဖြေရှင်းချက်အတွက် စေ့စပ်ဆွေးနွေးမှုများကို လမ်းပွင့်စေနိုင်သော ထာဝရအပစ်အခတ်ရပ်စဲရေးမှ အကျိုးအမြတ်ရနိုင်သည်ကို နားလည်သဘောပေါက်မည်ဟု မျှော်လင့်ကြောင်းလည်း သူက ပြောဆိုခဲ့ပြီး ဆီးရီးယားအပေါ် ပိတ်ဆို့ဒဏ်ခတ်မှုများကို ဖြေလျှော့ပေးရန် နိုင်ငံများကို တိုက်တွန်းခဲ့သည်။

အဓိက ကပြသနာမှာ အီရန်နိုင်ငံနှင့် အီရန်၊ အစ္စရေး၊ အမေရိကန်ပြည်ထောင်စုတို့အကြား ဆက်ဆံရေးဖြစ်သည်ဟု ဒါးဗိုတွင်ပြုလုပ်သော ကမ္ဘာ့စီးပွားရေးဖိုရမ်တွင် အရှေ့အလယ်ပိုင်းအခြေအနေအကြောင်း ဆွေးနွေးခဲ့ရာ၌ ဂူတာရက်စ်က ပြောဆိုသွားခဲ့သည်။

ယင်းနှင့်ပတ်သက်၍ မိမိ၏ မျှော်လင့်ချက်မှာ နျူကလီးလက်နက် ပိုင်ဆိုင်ခွင့်ကို စွန့်လွှတ်ကြောင်း ရှင်းရှင်းလင်းလင်း လုပ်ဆောင်ပေးရန်နှင့် တစ်ချိန်တည်းမှာပင် ဒေသတွင်းနိုင်ငံများနှင့် အပြုသဘောဆောင်သော ဆက်ဆံမှုရှိရန်သည် အရေးကြီးကြောင်းကို အီရန်နိုင်ငံသားများ နည်းလည်သဘောပေါက်ရန်ဖြစ်ကြောင်း သူက ဆိုခဲ့သည်။

ကုလသမဂ္ဂ နျူကလီးယားစောင့်ကြည့်ရေးအဖွဲ့အစည်း၏ အကြီးအကဲ ရာဖေးလ် ဂရော့စ်စီက ဒါးဗိုအစည်းအဝေး၏ အလားတူခေါင်းစဉ်အောက်တွင် ပြောကြားရာ၌ အီရန်နိုင်ငံသည် လက်နက်ထုတ်လုပ်နိုင်သည့်အဆင့်နီးပါး ယူရေနီယံသန့်စင်မှုကို အရှိန်မြှင့်လုပ်ဆောင်နေသည်ဟု ပြောဆိုခဲ့သည်။

အီရန်နိုင်ငံကမူ ၎င်း၏ နျူကလီးယားအစီအစဉ်သည် လုံးဝငြိမ်းချမ်းသောအကြောင်းအရာများအတွက်သာရည်ရွယ်ကြောင်း တောက်လျှောက်ပြောဆိုလာခဲ့သကဲ့သို့ ၎င်းတို့အနေဖြင့် ကိုယ်လိုချင်သည့်အဆင့်အထိ ယူရေနီယံသန့်စင်ပိုင်ခွင့်ရှိသည်ဟု ပြောကြားခဲ့သည်။

Ref: ယူအက်စ်နူးစ်