နျူစွမ်းအင်သဘောတူစာချုပ်တွင်လာဘ်မစားပါ–ဆဂျက်ဘ်ဝါဆတ်

၂၀၁၅ ခုနှစ်က ဒေါ်လာ ၁၂ ဒဿမ ၆၅ ဘီလျံတန် နျူကလီးယားစွမ်းအင်ဆိုင်ရာသဘောတူ စာချုပ် ကို ချုပ်ဆိုခဲ့မှုတွင် အကျင့်ပျက်ခြစားခဲ့သည်ဟူသော သူ၏ မိသားစုအပေါ် စွပ်စွဲချက်များသည် လုံးဝအတုအယောင်ဖြစ်ပြီး အပုပ်ချဝါဒဖြန့်မှုသာဖြစ်ကြောင်း ရာထူးမှဖြု-တ်ချခံခဲ့ရသည့် ဘင်္ဂလားဒေ့ရှ်ဝန်ကြီးချုပ် ရှိတ်ဟာစီနာ၏သားလည်းဖြစ် အကြံပေးလည်းဖြစ်သူက အင်္ဂါနေ့တွင် ပြောကြားခဲ့သည်။

ရုရှားနိုင်ငံပိုင် Rosatorm က ကျောထောက်နောက်ခံပေးခဲ့သည့် Rooppur နျူစွမ်းအင်စက်ရုံစီမံကိန်းတွင် အကျင့်ပျက်ခြစားမှု၊ အလွဲသုံးစားမှုနှင့် ငွေကြေးခဝါခြမှု စွပ်စွဲချက်များနှင့် ပတ်သက်၍ စုံစမ်းစစ်ဆေးမှု စတင်လုပ်ဆောင်နေကြောင်း ဘင်္ဂလားဒေ့ရှ်နိုင်ငံ အဂတိလိုက်စားမှု တိုက်ဖျက်ရေးကော်မရှင်က တနင်္လာနေ့တွင် ပြောဆိုခဲ့သည်။

လျှပ်စစ်ဓါတ်အား ၁၂၀၀ မဂ္ဂါဝပ်စီ ထုတ်လုပ်နိုင်မည့် စွမ်းအင်စက်ရုံနှစ်ခုဆိုင်ရာ သဘောတူစာချုပ်ကို ၂၀၁၅ ခုနှစ်တွင် လက်မှတ်ရေးထိုးခဲ့ခြင်းဖြစ်သည်။

ဟာစီနာ၊ သားဖြစ်သူ ဆဂျက်ဘ်ဝါဇတ်၊ တူမဖြစ်သူနှင့် ဗြိတိန်ဘဏ္ဍာရေးဝန်ကြီး တူလစ်ပ် ဆစ်ဒစ်တို့သည် ကမ်းလွန် ကုမ္ပဏီအကောင့်များမှတဆင့် ဒေါ်လာ ၅ ဘီလျံဖိုးခန့် လုပ်ထုံးလုပ်နည်းမှားယွင်းသော ငွေကြေးကိစ္စတွင် ပါဝင်ပတ်သက်နေသည်ဟု ကော်မရှင်က စွပ်စွဲခဲ့သည်။ 

ယင်းစွပ်စွဲချက်များနှင့် ပတ်သက်၍ မှတ်ချက်ပေးရန် ရိုက်တာသတင်းဌာန၏ တောင်းဆိုမှုကို ဆစ်ဒစ်နှင့် Rosatom တို့က တုန့်ပြန်ခဲ့ခြင်း မရှိပေ။

ဆစ်ဒစ်သည် ယင်းစွပ်စွဲချက်များတွင် ပါဝင်ပတ်သက်မှုမရှိဟု ငြင်းဆိုထားကြောင်းနှင့် သူမအပေါ် ယုံကြည်မှုရှိကြောင်း ဗြိတိန်ဝန်ကြီးချုပ် ကီယာစတာမာ၏ ပြောရေးဆိုခွင့်ရှိသူတစ်ဦးက ပြောဆိုသည်။ ဆစ်ဒစ်အနေဖြင့် သူ့အခန်းကဏ္ဍကို ဆက်လက်ဆောင်ရွက်သွားမည်ဖြစ်ကြောင်းလည်း ပြောရေးဆိုခွင့်ရှိသူက ပြောဆိုခဲ့သည်။

မီဒီယာများတွင်ဖော်ပြခဲ့သော အကျင့်ပျက်ခြစားမှုဆိုင်ရာ စွပ်စွဲချက်ကို Rosatom က ပယ်ချခဲ့ပြီး ပွင့်လင်းမြင်သာသော လုပ်ငန်းပိုင်းလုပ်ထုံးလုပ်နည်းများ၊ တင်းကျပ်သော အဂတိလိုက်စားမှုတိုက်ဖျက်ရေး မူဝါဒများနှင့် ဝယ်ယူရေးလုပ်ငန်းစဉ်များတွင် ပွင်ွလင်းမြင်သာများအတွက် ကတိပြုထားသည်ဟု ပြောဆိုကြောင်း ဘင်္ဂလားဒေ့ရှ်မီဒီယာများက သြဂုတ်လတွင် ဖော်ပြခဲ့သည်။

Ref: သည်မော်စကိုတိုင်းမ်စ်