နိုင်ငံတော်သမ္မတ ဦးမင်းအောင်လှိုင် ဆီရမ်ရိမြို့ Siem Reap Angkor အပြည်ပြည်ဆိုင်ရာလေဆိပ်သို့ ရောက်ရှိ

ဆီရမ်ရိ၊ စက်တင်ဘာ ၁၂ ကမ္ဘောဒီးယားနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် (State Visit) ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်အား ယနေ့ စက်တင်ဘာ ၁၂ ရက် နေ့လယ်ပိုင်းတွင် ဆီရမ်ရိပြည်နယ်အုပ်ချုပ်ရေးမှူး Mr. Prak Sophoan က ဂုဏ်ပြုနေ့လယ်စာစားပွဲဖြင့် တည်ခင်းဧည့်ခံခဲ့သည်။

ကမ္ဘောဒီးယားနိုင်ငံ၊ ဆီရမ်ရိမြို့သို့ရောက်ရှိနေသော မြန်မာနိုင်ငံတော်သမ္မတ ဦးမင်းအောင်လှိုင်ထံ ဆီရမ်ရိပြည်နယ်အုပ်ချုပ်ရေးမှူး Mr. Prak Sophoan က ယနေ့ စက်တင်ဘာ ၁၂ ရက်နံနက်ပိုင်းတွင် Sofitel Angkor Phokeethra Golf & Spa Resort ၌လာရောက်ဂါရဝပြုတွေ့ဆုံခဲ့သည်။ ထိုသို့ တွေ့ဆုံစဥ် မြန်မာနိုင်ငံနှင့် ဆီရမ်ရိမြို့တို့ကြား စီးပွားရေးကဏ္ဍအပါအဝင် ကဏ္ဍစုံပူးပေါင်းဆောင် ရွက်မှုများပြုလုပ်နိုင်ရေးအတွက် ဆွေးနွေးခဲ့ကြသည်။

ဖနောင်ပင်၊ စက်တင်ဘာ ၁၂ ကမ္ဘောဒီးယားနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်သည် ယနေ့ စက်တင်ဘာ ၁၂ ရက် နံနက်ပိုင်းတွင် ဖနောင်ပင်မြို့ရှိ Techo အပြည်ပြည်ဆိုင်ရာလေဆိပ်မှ ဆီရမ်ရိမြို့သို့ အထူးလေယာဉ်ဖြင့် ဆက်လက်ထွက်ခွာခဲ့သည်။ နိုင်ငံတော်သမ္မတအား လေဆိပ်၌ ခရီးစဉ်တာဝန်ခံဝန်ကြီးဖြစ်သည့် ကမ္ဘောဒီးယားနိုင်ငံ ရေအရင်းအမြစ်နှင့် မိုးလေဝသဝန်ကြီး H.E. Mr. THOR Chetha နှင့် ကမ္ဘောဒီးယားအစိုးရ၊ လွှတ်တော်နှင့် သံတမန်ရေးရာ တာဝန်ရှိသူများက ပို့ဆောင်နှုတ်ဆက်ခဲ့ကြပြီး ဂုဏ်ပြုတပ်ဖွဲ့ကလည်း ကော်ဇောနီတစ်လျှောက် ဂုဏ်ပြုပို့ဆောင်နှုတ်ဆက်ခဲ့သည်။