မြန်မာနိုင်ငံအီလက်ထရောနစ်အားကစားအဖွဲ့ချုပ် (MESF) သည် လာမည့် Esports Nations Cup (ENC) 2026 ပြိုင်ပွဲတွင် မြန်မာနိုင်ငံကိုယ်စားပြု ယှဉ်ပြိုင်ကြမည့် အသင်းများကို ဦးဆောင်ရန်အတွက် အမျိုးသားအဆင့်နည်းပြများ (National Team Coaches) ကို အတည်ပြု ရွေးချယ်ခန့်အပ်လိုက်ကြောင်း ယနေ့ ထုတ်ပြန်ကြေငြာသည်။
ယခုရွေးချယ်ခံရသည့် နည်းပြများသည် Esports နယ်ပယ်တွင် အတွေ့အကြုံရင့်ကျက်ပြီး ပြည်တွင်းပြည်ပ အောင်မြင်မှုမှတ်တမ်းများစွာ ပိုင်ဆိုင်ထားသူများဖြစ်ကာ သက်ဆိုင်ရာ Esports Title တစ်ခုချင်းစီအလိုက် စနစ်တကျ ရွေးချယ်ထားခြင်းဖြစ်ကြောင်း သိရသည်။
အဆိုပါ နည်းပြများသည် ပြိုင်ပွဲဝင် ကစားသမားများကို အနီးကပ်ကြီးကြပ်၍ လေ့ကျင့်သင်ကြားပေးသွားမည်ဖြစ်ပြီး၊ ENC 2026 စင်မြင့်ပေါ်တွင် မြန်မာ့ဂုဏ်ဆောင်နိုင်ရန်နှင့် အောင်မြင်မှုများရရှိစေရန် ရည်ရွယ်ပြင်ဆင်လျက်ရှိကြောင်း ဆိုသည်။
ယင်းသည် နိုင်ငံတကာစင်မြင့်တွင် မြန်မာ့အလံလွှင့်ထူနိုင်ရန် ကျွမ်းကျင်နည်းပြများဖြင့် ပြင်ဆင်နေခြင်းလည်းဖြစ် ကြောင်းနှင့် ပြိုင်ပွဲအသေးစိတ်ကို ထပ်မံဖော်ပြပေးမည်ဖြစ်ကြောင်း သိရသည်။