နာဂကိုယ်ပိုင်အုပ်ချုပ်ခွင့်ရဒေသဖွံ့ဖြိုးတိုးတက်ရေးအထူးအစည်းအဝေးအား လဟယ်မြို့၌ပြု လုပ်ရာ နစက ဥက္ကဋ္ဌ၊ ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်တက်ရောက်၍ နာဂကိုယ်ပိုင်အုပ်ချုပ်ခွင့်ရဒေသ ဖွံ့ဖြိုးတိုးတက်ရေးဆိုင်ရာများကို ဆွေးနွေးစဥ်ပြောကြားခဲ့ခြင်းဖြစ်သည်။
နာဂဒေသတွင် ပညာရေးလိုအပ်ချက်ရှိသည်ကို တွေ့ရပြီး ယခုအခါ ထိုက်သင့်သလောက်တိုးတက်လာပြီဖြစ်ကာ ကျောင်းသား၊ကျောင်းသူများအားလုံး အနည်းဆုံးအလယ်တန်းအဆင့် တက်ရောက်အောင်မြင်ရမည်ဟု ဆိုသည်။
“ပညာရေးဝန်ထမ်းလိုအပ်ချက်တွေအတွက် နိုင်ငံတော်က ဖြည့်ဆည်းပေးနိုင်ဖို့ ဆောင်ရွက်ပေးသွားမှာပါ”ဟု နစက ဥက္ကဋ္ဌကပြောသည်။
ဒေသခံပြည်သူများ၏ အသိပညာ၊အတတ်ပညာများမြင့်မားရန် ပညာရေးကိုအားပေးဆောင်ရွက်ရမည်ဖြစ်ကာ ပညာရေးမြှင့်တင်နိုင်ရန် မိမိတို့အလနေဖြင့် ပညာရည်မြှင့်တင်ရေးလုပ်ငန်းများကို အလေးထားအားပေးဆောင်ရွက်ပေးလျက်ရှိသည်ဟု ဆိုသည်။
“နာဂဒေသမှာလည်း ပညာရည်မြင့်မားရေး အတွက်ဆောင်ရွက်ပေးသွားမှာဖြစ်တာကြောင့် မိမိတို့ရဲ့ သားသမီးတွေအားလုံး ပညာတတ်တွေဖြစ်စေဖို့ ကြိုးပမ်းဆောင်ရွက်သွားကြဖို့လိုပါတယ်” ဟု နစက ဥက္ကဋ္ဌကတိုက်တွန်းအားပေးခဲ့သည်။
ထို့ပြင် အလုပ်အကိုင်များဆောင်ရွက်နိုင်ရန်နှင့်ပညာသင်ကြားနိုင်ရန်အတွက် ကျန်းမာရေးကောင်းမွန်ရေးမှာလည်း အဓိကလိုအပ်သည်ဟု ဆိုသည်။
၂၀၁၅ ခုနှစ် နာဂရိုးရာနှစ်သစ်ကူးပွဲတော်သို့ ယခင်က သမ္မတကြီးဦးသိန်းစိန်နှင့်အတူ လာရောက်စဉ် နာဂဒေသအတွင်း၌ ကျန်းမာရေးဝန်ထမ်းများ လိုအပ်ချက်ရှိသည်ကိုသိရှိခဲ့ရသဖြင့် တပ်မတော်သား ဆေးမှူး အရာရှိများကို စစ်ကိုင်းတိုင်း၊ချင်း ပြည်နယ်နှင့်နာဂကိုယ်ပိုင်အုပ်ချုပ်ခွင့်ရဒေသရှိ ဝေးလံခေါင်ဖျားဒေသများမှ တိုက်နယ်ဆေးရုံ၊ ဆေးခန်းများတွင် တာဝန်ထမ်းဆောင်ရန် စေလွှတ်တာဝန်ပေးခဲ့ကြောင်းပြောသည်။
“ကျန်းမာရေးက အရေးကြီးပါတယ်။ ကျန်းမာရေးကောင်းမွန်မှသာ တခြားကိစ္စတွေကို အောင်မြင် အောင်ဆောင်ရွက်နိုင်မှာဖြစ်ပါတယ်။ ကျန်းမာရေးနဲ့ပတ်သက်ရင် ဆေးကုသမှုတစ်ခုတည်းတင်မဟုတ်ဘဲ ကျန်းမာရေးနဲ့လျော်ညီတဲ့ နေထိုင်သွား လာစားသောက်မှုပုံစံရှိစေရေးကို မိမိကိုယ်မိမိထိန်းသိမ်းဆောင်ရွက်ရမှာဖြစ်ပါတယ်”ဟု နစက ဥက္ကဋ္ဌကမှာကြားခဲ့သည်။
