နယ်စပ်ပိ-တ်ခြင်းသည် ထိုင်းကိုသာထိခို-က်မည်–ဟွန်ဆန်

ထိုင်းအာဏာပိုင်များက နှစ်နိုင်ငံနယ်စပ် အဝင်အထွက်များကို ကန့်သတ်ရန် ဆုံးဖြတ်ခဲ့ပြီးနောက် ယင်းကိစ္စသည် ထိုင်းပို့ကုန်များအပေါ် အကျိုးသက်ရောက်မှုရှိမည်ဖြစ်ကြောင်း ကမ္ဘောဒီးယားဝန်ကြီးချုပ်ဟောင်း ဟွန်ဆန်က ထိုင်းနိုင်ငံကို သတိပေးခဲ့သည်။ သို့ရာတွင် ယင်းအတွက် ထိုင်းထုတ်ကုန်များကို သပိတ်မှေ-ာက်ရန် ကြိုးပမ်းမှုများကိုမူ သူဆန့်ကျင်ကြောင်း ဟွန်ဆန်က ရှင်းလင်းစွာ ထုတ်ဖော်ပြောဆိုသည်။

ကမ္ဘောဒီးယားမှ တင်သွင်းသော ကုန်ပစ္စည်းများထက် ထိုင်း၏တင်ပို့မှုက ကျော်လွန်သောကြောင့် နယ်စပ်ပိ-တ်ခြင်း၏ သက်ရောက်မှုကို ထိုင်းကသာ အများဆုံးခံရလိမ့်မည်ဟု ဟွန်ဆန်က စနေနေ့ညပိုင်းတွင် ပြောဆိုခဲ့သည်ဟု ခမာတိုင်းမ်သတင်းဌာနက တနင်္ဂနွေနေ့တွင် သတင်းဖော်ပြခဲ့သည်။

ထိုင်းက ကမ္ဘောဒီးယားကို ဒေါ်လာ ၅ ဒဿမ ၂ ဘီလျံကျော် ကုန်ပစ္စည်းတင်ပို့ခဲ့ပြီး တင်သွင်းမှုတွင် ၁ ဒဿမ ၁ ဘီလျံသာရှိခဲ့သည့် ၂၀၂၄ ခုနှစ် ကုန်သွယ်မှုစာရင်းဇယားကို ကိုးကား၍ ဝန်ကြီးချုပ် ဟွန်မာနက်၏ ဖခင်ဖြစ်သော ဟွန်ဆန်က ပြောဆိုခဲ့သည်။

ကမ္ဘောဒီးယားကို ဖိအားပေးသည့်အနေဖြင့် နှစ်နိုင်ငံအကြား ဝင်ပေါက်တစ်ခုဖြစ်သည့် SaKaeo ပြည်နယ် Aranyaprathet စစ်ဆေးရေးဂိတ်အပါအဝင် နေရာများစွာရှိ နယ်စပ်များကို ပိတ်ရန် စနေနေ့အစောပိုင်းတွင် ထိုင်းစစ်တပ်က အမိန့်ထုတ်ခဲ့သည်။ မေလ ၂၈ ရက်နေ့က ဥဘုံရက်ချာဌာနီပြည်နယ် Nam Yuen ခရိုင် Chong Bok အနီးတွင် နှစ်ဖက်တပ်များ ခေတ္တပ-စ်ခ-တ်မှုပေါ်ပေါက်ခဲ့ပြီးနောက် အသစ်တဖန် နယ်စပ်အငြင်းပွားမှုအတွင်း နှစ်နိုင်ငံကျရောက်ခဲ့သည်။

နယ်စပ်ပိတ်ခြင်းကို တန်ပြန်သည့်အနေဖြင့် ထိုင်းကုန်ပစ္စည်းများကို သပိတ်မှေ-ာက်ကြရန် ကမ္ဘောဒီးယားစီးပွားရေးလုပ်ငန်းရှင် Duong Chhay က တို-က်တွန်းခဲ့ပြီးနောက် ဟွန်ဆန်၏ သတင်းထုတ်ပြန်ချက်ကို ၎င်း၏ ဆိုရှယ်မီဒီယာပလက်ဖောင်းပေါ်တင်ခဲ့ခြင်းဖြစ်သည်။

သပိတ်မှေ-ာက်ခြင်းကို ဆန့်ကျင်ကြောင်းနှင့် ကမ္ဘောဒီးယားနိုင်ငံသားတို့၏ တည်ငြိမ်မှု၊ ရင့်ကျက်မှု၊ စိတ်ရှည်မှုနှင့် ယဉ်ကျေးမှုတို့ကို ပြသရန်ဝန်ကြီးချုပ်ဟောင်း ဟွန်ဆန်က တောင်းဆိုခဲ့သည်။

“ကမ္ဘောဒီးယားနိုင်ငံသားများအနေနဲ့ ထိုင်းထုတ်ကုန်တွေ မရှိခဲ့ရင် ကမ္ဘောဒီးယားဘုရင့်အစိုးရကို အပြစ်မတင်ပါနဲ့။ ဒီပြတ်လပ်မှုဟာ ထိုင်းနိုင်ငံကနယ်စပ်ကို ပိ-တ်ဖို့ ဆုံးဖြတ်ခဲ့မှုရဲ့ တို-က်ရို-က်ရလဒ်ဖြစ်ပါတယ်” ၎င်းက ပြောဆိုကြောင်း ခမာတိုင်းမ်က ဖော်ပြခဲ့သည်။

“ကျွနုပ်တို့ ဂုဏ်သိက္ခာကို နိုင်ငံခြားသားတွေ ကဲ့ရဲ့စောင်းမြောင်းလာစေနိုင်တဲ့ လုပ်ရပ်မှန်သမျှ အထူးရှောင်ရှားကြဖို့နဲ့ တည်ငြိမ်မှု၊ ရင့်ကျက်မှု၊ စိတ်ရှည်မှု၊ ယဉ်ကျေးသိမ်မွေ့မှုတို့ကို ထိန်းသိမ်းကြဖို့ ကမ္ဘောဒီးယားနိုင်ငံသားတွေကို တို-က်တွန်းပါတယ်” ဟု ဟွန်ဆန်က ဆက်လက်ပြောဆိုခဲ့သည်။

Ref: ဘန်ကောက်ပို့စ်