ကရင်ပြည်နယ် ၊ မြဝတီမြို့နယ်အတွင်းရှိ ဒေါနတောင်တက်လမ်းတွင် ယမန်နေ့ ည (၈)နာရီဝန်းကျင် အချိန်က (၁၂) ဘီး ယာဉ်တစ်စီး ပေ (၂၀၀) အနက်ရှိ ချောက်အတွင်း ထိုးကျမှုဖြစ်ပွားခဲ့ကာ ယာဉ်မောင်းဖြစ်သူ အသက်ဆုံးရှုံးခဲ့ကြောင်း ဒေသတွင်း ကယ်ဆယ်ရေး ဆောင်ရွက်ပေးသူ တစ်ဦးက ပြောသည်။
ဒေါနတောင် လမ်းဟောင်း ဝါးစခန်းအကွေ့တွင် အရှိန်မထိန်းနိုင်ဘဲ ထိုးချသွားကာ ယာဉ်နောက်လိုက်မှာ ပြုတ်ကျကျန်ခဲ့ပြီး ယာဉ်မောင်းမှာ ယာဉ်နှင့်အတူ ချောက်အတွင်းသို့ ပါရှိသွားခြင်းဖြစ်ကာ နေရာတွင်ပင် အသက်ဆုံးရှုံးခဲ့ကြောင်း သိရသည်။
“ယာဥ်နောက်လိုက်ကတော့ ထိခို-က်ဒဏ်ရာနည်းနည်းရပါတယ်။ ေ-သဆုံးသူယာဉ်မောင်းက ကားနဲ့ သူပြုတ်ကျတဲ့နေရာနဲ့တော်တော်ဝေးဝေးမှာတွေ့ရတယ်။ ပြုတ်ကျတော့ သူလည်းခုန်ဆင်းလိုက်တဲ့ ပုံစံပေါ့။ ပေနှစ်ရာလောက် အနက်ရှိမယ် ၊ ကျတဲ့နေရာကလေ။ သူက မြန်အောင်ကပါ။ မိသားစုနဲ့လည်း အဆက်အသွယ်ရပါပြီ”ဟု ၎င်းက ရှင်းပြသည်။
အဆိုပါ ဒေါနတောင်တက်လမ်းသည် ညအချိန်၌ မြူများ ဆိုင်းနေခြင်းကြောင်း ကားမီးသီးကြီးဖွင့်မောင်းသည်ကိုပင် ရှေ့မြင်ကွင်းအား သဲကွဲစွာမမြင်ရကြောင်း အဆိုပါလမ်းတွင် မောင်းနှင်နေသည့် ယာဉ်မောင်းများထံက သိရသည်။