ရုရှားနိုင်ငံ၊ ဗလာဒီဗော့စတော့မြို့၌ရောက်ရှိနေသော ဒုတိယသမ္မတ ဦးညိုစောသည် ယနေ့ စက်တင်ဘာ ၄ ရက်နံနက်ပိုင်းတွင် ဗလာဒီဗော့စတော့မြို့ရှိ အကြီးဆုံးသော အပူစွမ်းအင်သုံးဓာတ်အားပေးစက်ရုံနှင့် ဗလာဒီဗော့စတော့ကုန်သွယ်ရေးဆိပ်ကမ်းတို့ကိုကြည့်ရှုလေ့ လာခဲ့သည်။
ဗလာဒီဗော့စတော့မြို့တော်အတွက် လျှပ်စစ်ဓာတ်အားနှင့် အပူပေးရေးအတွက်အရေးပါသည့် အကြီးဆုံးသော အပူစွမ်းအင်သုံးဓာတ်အားပေးစက်ရုံအတွင်း လျှပ်စစ်ဓာတ်အားထုတ်လုပ်နေမှုနှင့် လျှပ်စစ်ဓာတ်အား ထိန်းချုပ်ဖြန့်ဖြူးပေးနေမှုတို့ကိုကြည့်ရှုလေ့လာခဲ့ကြောင်း သိရသည်။
ထို့ပြင် ဗလာဒီဗော့စတော့ကုန်သွယ်ရေးဆိပ်ကမ်း၌ ခေတ်မီစက်ယန္တရားများဖြင့် ကုန်တင်ကုန်ချလုပ်ငန်းများဆောင်ရွက်နေမှုကိုလည်း ကြည့်ရှုလေ့လာခဲ့ကြောင်း သိရသည်။
ထို့အတူ ဒုတိယသမ္မတ ဦးညိုစောသည် စက်တင်ဘာ ၃ ရက်နံနက်ပိုင်းကလည်း ရုရှားနိုင်ငံ၊ စီးပွားရေးဖွံ့ဖြိုး တိုးတက်မှုဝန်ကြီး မစ္စတာ ရယ်ရှဲသငြိကော့ဗ်နှင့် ရုရှားနိုင်ငံ PJSC Sberbank ဒုတိယဥက္ကဌ မစ္စတာ ဗလာဒီမာ ဆိနော့ဗ်တို့အားသီးခြားစီတွေ့ဆုံပြီး ရုရှား-မြန်မာ နှစ်နိုင်ငံ စီးပွားရေးပူးပေါင်းဆောင်ရွက်မှုတိုးမြှင့်ရေး၊ ရင်း နှီးမြှုပ်နှံမှုဆိုင်ရာများကိုဆွေးနွေးခဲ့ကြကြောင်း သိရသည်။