ဘန်ကောက်၊ မတ်လ ၃၀ ရက်
ထိုင်းနိုင်ငံ ဝန်ကြီးချုပ် အနူတင် ချန်ဗီရာကူးလ် က အစိုးရသစ်အတွက် ဝန်ကြီးအဖွဲ့ဝင်အသစ်များ၏ အမည်စာရင်းကို အတည်ပြုပြီးစီးပြီဖြစ်ကြောင်းနှင့် ဘုရင့်အတည်ပြုချက် ရယူနိုင်ရန်အတွက် ဆက်လက်လုပ်ဆောင်သွားမည်ဖြစ်ကြောင်း တနင်္လာနေ့တွင် ပြောကြားခဲ့သည်။
ဝန်ကြီးလောင်း ၃၅ ဦး၏ အရည်အချင်းများကို စစ်ဆေးရန် သက်ဆိုင်ရာဌာနများနှင့် တွေ့ဆုံပြီးနောက် သတင်းထောက်များကို ပြောကြားရာတွင် အနူတင်က ၎င်း၏ ဒုတိယသက်တမ်းအတွက် အစိုးရအဖွဲ့စာရင်းမှာ အဆင်သင့်ရှိနေပြီဖြစ်ပြီး ယနေ့တွင်ပင် ဘုရင့်ထံ တင်ပြသွားမည်ဟု ဆိုသည်။
ဘုရင့်အတည်ပြုချက် ရရှိပြီး ကျမ်းသစ္စာဆိုပွဲ ပြီးမြောက်သည်နှင့် တစ်ပြိုင်နက် အစိုးရအဖွဲ့သစ်အနေဖြင့် ၎င်းတို့၏ မူဝါဒလမ်းစဉ်များကို လွှတ်တော်သို့ ချက်ချင်း တင်ပြသွားမည်ဖြစ်ကြောင်း၊ ယင်းမှာ အစိုးရသစ်တစ်ရပ်က တရားဝင် တာဝန်မယူမီ လုပ်ဆောင်ရမည့် နောက်ဆုံးအဆင့်ဖြစ်ကြောင်း ၎င်းက ပြောကြားခဲ့သည်။
အနူတင်၏ ဘွန်ဂျိုင်ထိုင်းပါတီသည် ရွေးကောက်ပွဲတွင် တတိယနေရာရရှိခဲ့သော ဖြူးထိုင်းပါတီ နှင့် အခြားသော ပါတီငယ်များနှင့် ပူးပေါင်းကာ အောက်လွှတ်တော်တွင် အမတ်နေရာ ၂၉၀ ခန့်ဖြင့် ညွန့်ပေါင်းအစိုးရတစ်ရပ် ဖွဲ့စည်းသွားမည်ဖြစ်ကြောင်း အစောပိုင်းက ကြေညာထားခဲ့သည်။
Ref:ဆင်ဟွာ