ဂျွန်လ ၂၂ ရက်တွင် ထိုင်းသံရုံးမှကြီးမှူးကာ မြန်မာနိုင်ငံရဲ့အကြီးဆုံးသော ထိုင်းသီချင်းဆိုပြိုင်ပွဲကြီး T-Pop Star Challenge Myanmar Season 2 ၏ Grand Final နှင့် ထိုင်းရိုးရာအစားအစာနှင့် ထိုင်းရိုးရာပစ္စည်းများ ခင်းကျင်းပြသရောင်းချခြင်းတို့ကို ရန်ကုန်မြို့ရှိ Novotel Yangon Max Hotel တွင် ကျင်းပခဲ့သည်။
အဆိုပါ အခမ်းအနားသို့ မြန်မာနိုင်ငံဆိုင်ရာ ထိုင်းသံအမတ်ကြီး H.E Mr. Mongkol Visitstump နှင့် ဖိတ်ကြားထားသော ထိုင်းနိုင်ငံမှ နာမည်ကြီး အနုပညာရှင်များဖြစ်သည့် Aou-Boom တို့မှတက်ရောက်ခဲ့ကာ ဂျွန်လ ၂၁ ရက် (ပထမနေ့) တွင် Film Thanapat ၊ Perth TanponTanpon ၊ Santa Pongsapak တို့ တက်ရောက်ခဲ့သည်။
T-Pop Star Challenge Myanmar Season 2 တွင် ဒိုင်အဖြစ် ထိုင်းနိုင်ငံမှ Dome Jaruwat, Gam Wichayanee, Num Kala တို့မှ Finalists (၃) ဦးဖြစ်သော T3 Naw Sydney, T4 Zea, T8 Chris တို့ကို အကဲဖြတ်အမှတ်ပေးပြီးနောက် T4 – ZEA သည် Winner ဆုကို ထိုက်တန်စွာရရှိခဲ့ကာ 1st Runner Up မှာ T8 – CHRIS နှင့် 2nd Runner Up မှာ T3 – NAW SYDNEY LARYUPHAW တို့မှအသီးသီးရရှိခဲ့သည်။
Winner ဆုရရှိသူအား ဆုကြေးငွေအဖြစ် အမေရိကန်ဒေါ်လာ ၃,၂၀၀ ၊ 1st Runner Up အား အမေရိကန်ဒေါ်လာ ၁,၆၀၀ နှင့် 2nd Runner Up အား အမေရိကန်ဒေါ်လာ ၁,၀၀၀ ကို မြန်မာနိုင်ငံဆိုင်ရာ ထိုင်းသံအမတ်ကြီး H.E Mr. Mongkol Visitstump မှ ပေးအပ်ခဲ့သည်။
Thai Festival 2025 in Yangon ပွဲတော်ကြီး၌ ထိုင်းအစားအစာများနှင့် အဖျော်ရည်များ၊ အလှကုန်ပစ္စည်းများနှင့် ဖက်ရှင်များ၊ ခရီးသွားဝန်ဆောင်မှုများ၊ ဆက်သွယ်ရေးဝန်ဆောင်မှုများ၊ ကျန်းမာရေးဆိုင်ရာ ရရှိနိုင်မည့် Package များနှင့် ထိုင်းအနုပညာဆိုင်ရာပစ္စည်းများကို ဆိုင်ခန်းပေါင်း (၆၀) ဝန်းကျင်ဖြင့် ခင်းကျင်းပြသထားသည်။