ထိုင်းလေဆိပ်တွင်တောရိုင်းတိရစ္ဆာန်ကုန်ကူးမှုဖြင့် အမျိုးသမီးနှစ်ဦးအားဖမ်းဆီး

ထိုင်းလေဆိပ်တွင်တောရိုင်းတိရစ္ဆာန်ကုန်ကူးမှုဖြင့် အမျိုးသမီးနှစ်ဦးအားဖမ်းဆီး

ဘန်​ကောက်၊ဇွန် ၂၉

ထိုင်းလေဆိပ်တွင် အိန္ဒိယအမျိုးသမီးနှစ်ဦး၏ ခရီးဆောင်အိတ်များအတွင်းမှ ဖြူ၊သင်းခွေချပ်၊လိပ်၊ပုတ်သင်ညိုနှင့်မြွေ တို့ကို ဖမ်းဆီးရမိခဲ့ကြောင်းသိရှိရသည်။အဆိုပါအမျိုးသမီးနှစ်ဦးသည် အိန္ဒိယသို့ထွက်ခွာမည့် ခရီးသည်များဖြစ်သည်။

ထိုင်းနိုင်ငံဘန်ကောက်ရှိ သုဝဏ္ဏဘူမိလေဆိပ်တွင် အိန္ဒိယအမျိုးသမီးနှစ်ဦး လေဆိပ်လုံခြုံရေးကို ဖြတ်စဉ် ၎င်းတို့၏ခရီးဆောင်အိတ်အတွင်း မသင်္ကာဖွယ်ရာပစ္စည်းအချို့ကို စစ်ဆေးတွေ့ရှိပြီးနောက် ယခုလိုအဖမ်းခံရခြင်းဖြစ်ကြောင်း ထိုင်းနိုင်ငံ အမျိုးသားဥယျာဥ်၊တောရိုင်းတိရစ္ဆာန်နှင့်အပင်ထိန်းသိမ်းရေးဌာနကတနင်္လာနေ့ တွင်ထုတ်ပြန်လိုက်သည်။

“ဖမ်းဆီးရမိမူတွင်ဖြူနှစ်ကောင်၊ သင်းခွေချပ်နှစ်ကောင်၊ လိပ် ၃၅ ကောင်၊ ပုတ်သင်ညိုအ​ကောင် ၅၀နှင့် မြွေ ၂၀ အပါအဝင် စုစုပေါင်း တိရစ္ဆာန် ၁၀၉ ကောင်ကို ရှာဖွေတွေ့ရှိခဲ့သည်” ဟု ထုတ်ပြန်ချက်တွင်ဖော်ပြထားသည်။

အဆိုပါအမျိုးသမီးနှစ်ဦးကို ထိုင်းနိုင်ငံ တောရိုင်းတိရစ္ဆာန် ထိန်းသိမ်းကာကွယ်ရေးဥပဒေ၊၂၀၁၅ ခုနှစ်ကပြဌာန်းခဲ့သည့် တိရစ္ဆာန်ကူးစက်ရောဂါအက်ဥပဒေ နှင့် အကောက်ခွန်အက်ဥပဒေတို့ဖြင့် တရားစွဲဆိုဖမ်းဆီးထိန်းသိမ်းထားကြောင်း သိရသည်။

၂၀၂၂ခုနှစ် မတ်လတွင်တောရိုင်းတိရစ္ဆာန်နှင့် အပင်များ ရောင်းဝယ်ဖောက်ကားမှု စောင့်ကြည့်ရေးအဖွဲ့က အိန္ဒိယနိုင်ငံ၏ လေဆိပ်များမှတစ်ဆင့် တောရိုင်းတိရစ္ဆာန်များ ရောင်းဝယ်ဖောက်ကားမှုဆိုင်ရာ အစီရင်ခံစာတစ်စောင်ထုတ်ပြန်ခဲ့ပြီး ယင်းပြဿနာသည် လက်နက်၊ မူးယစ်ဆေးဝါးနှင့် လူကုန်ကူးမှုပြီးနောက်ကမ္ဘာတစ်ဝှမ်းတွင် စတုတ္ထမြောက်အကြီးဆုံးတရားမ၀င်ကုန်သွယ်မှုဖြစ်သည်။

ထိုင်းနိုင်ငံရှိ အမျိုးသားဥယျာဉ်၊ တောရိုင်းတိရစ္ဆာန်နှင့် အပင်ထိန်းသိမ်းရေးဌာန၏ အစောပိုင်းထုတ်ပြန်ချက်တစ်ခုတွင် ထိုသို့ဖမ်းဆီးရမိရာမှ အသက်ရှင်ကျန်ရစ်သော တိရစ္ဆာန်များကို နိုင်ငံတစ်ဝှမ်းရှိ တောရိုင်းတိရစ္ဆာန်ကယ်ဆယ်ရေးစခန်းများ (သို့) မွေးမြူရေးစခန်းများသို့ ပို့ဆောင်မည်ဖြစ်ကြောင်းသိရသည်။

Source – ABC News