ထိုင်းနိုင်ငံအတွင်း ယာဉ်တိုက်မှုကြောင့် အသက်ဆုံးရှုံးခဲ့သည့် မြန်မာလုပ်သားတစ်ဦးအတွက် နစ်နာကြေး ဘတ် ၉သိန်း၇သောင်းကို ဇနီးဖြစ်သူထံ ပေးအပ်ခဲ့ကြောင်း အလုပ်သမားသံအရာရှိရုံးထံက သိရသည်။
ပြီးခဲ့သည့်နှစ် ဧပြီ (၇)ရက်က ထိုင်းနိုင်ငံ၊ ဗန်ကောက်မြို့၌ ကားတိုက်ခံခဲ့ရသဖြင့် ဆေးရုံတွင် ဆေးကုသမှုခံယူနေစဉ် အသက်ဆုံးရှုံးခဲ့သည့် မြန်မာလုပ်သားတစ်ဦး၏ ရသင့်ရထိုက်သည့် နစ်နာကြေးများကို ပေးအပ်ခဲ့ခြင်းဖြစ်ကြောင်း သိရသည်။
ယင်းသို့ အသက်ဆုံးရှုံးသူ မြန်မာလုပ်သား၏ ဇနီးဖြစ်သူကို ယခုနှစ် ဇန်နဝါရီ (၂၁)ရက်၌ ထိုင်းအစိုးရလူမှုဖူလုံရေးဌာနမှ ရရှိခဲ့သည့် အာမခံကြေး ဘတ် ၈၇၀,၀၀၀ (ဘတ်ရှစ်သိန်း ခုနှစ်သောင်းတိတိ)အား ပထမအကြိမ်ပေးအပ်ခဲ့ပြီး ယမန်နေ့ဖေဖော်ဝါရီ(၁၂)ရက်ကလည်း ပုဂ္ဂလိကအာမခံကုမ္ပဏီမှရရှိသည့် လျော်ကြေးငွေ ဘတ် ၁၀၀,၀၀၀ (ဘတ် တစ်သိန်းတိတိ) အား ဒုတိယအကြိမ် ထပ်မံပေးအပ်ခဲ့ခြင်းဖြစ်ကြောင်း အသိပေးဖော်ပြထားသည်။