ထိုင်းနယ်စပ်တွင်ကီလိုမီတာ၅၀ရှည်‌သောတံတိုင်းမ‌​လေးရှားကခတ်မည်

ထိုင်းနိုင်ငံ နရာထီဝပ်ပြည်နယ်နှင့် နယ်နိမိတ်ထိစပ်နေသော ကီလန်တန်ပြည်နယ်တွင် တံတိုင်းတစ်ခု တည်ဆောက်ရန် မလေးရှားအစိုးရက အတည်ပြုလိုက်ပြီဖြစ်ကာ လုပ်ငန်းအကောင်အထည်ဖော်ရန်အတွက် ဘတ်ဂျက်ငွေ ရင်းဂစ် ၁ ဒဿမ ၅ ဘီလျံ ကြိချထားပေးခဲ့သည်။

အစိုးရအဖွဲ့ အတည်ပြုချက်နှင့် ဘတ်ဂျက်ခွဲဝေချထားမှု ဆုံးဖြတ်ချက်ကို ကီလန်တန်ပြည်နယ်ရဲတပ်ဖွဲ့ အကြီးအကဲ မိုဟက် ယူဆွတ်မာနတ်က အင်္ဂါနေ့တွင် ကြေညာခဲ့ခြင်းဖြစ်သည်ဟု နူးစထရိတ်တိုင်းမ်စ်သတင်းဌာနက ရေးသားဖော်ပြခဲ့သည်။

တံတိုင်းတည်ဆောက်ရန် ဘဏ္ဍာငွေခွဲဝေပေးခြင်းကို အတည်ပြုလိုက်ပြီဖြစ်ကာ အစိုးရအတွင်းဝန်ချုပ် တန်ဆရီ ရှမ်ဆူလ် အဇရီအဘူဘာကာသည် နယ်စပ်လုပ်ငန်းခွင်သို့ လာရောက်စစ်ဆေးခဲ့ကြောင်း ၎င်းက ပြောကြားခဲ့သည်ဟု သတင်းတွင် ဖော်ပြခဲ့သည်။

အဆိုပါ ဆုံးဖြတ်ချက်သည် ထိုင်းနိုင်ငံ နရာထီဝပ်ပြည်နယ်နှင့် နယ်စပ်တလျှောက်တွင် အတားအဆီးတစ်ခုတည်ဆောက်ရန် ကြိုးပမ်းနေသည့် ကီလန်တန်ပြည်နယ်အတွက် အရေးပါသော အောင်ပွဲတစ်ခုဖြစ်ခဲ့သည်။ ထိုင်းနှင့် မလေးရှားနှစ်နိုင်ငံသည် မှောင်ခိုကူးမှုနှင့် အခြားနယ်စပ်ဖြတ်ကျော် ရာဇဝတ်မှုများကို တို-က်ဖျက်နေခဲ့သည်။

 မလေးရှားနိုင်ငံသည် ယခင်က ထိုင်းတောင်ပိုင်းနှင့် နယ်စပ်ဧရိယာအချို့တွင် ရာဇဝတ်မှု တားဆီးရေး တံတိုင်းများ တည်ဆောက်ခဲ့ပြီး ယခုတံတိုင်းသည် ကီလန်တန်ပြည်နယ်တွင် ပထမဆုံးတည်ဆောက်မည့် တံတိုင်းဖြစ်သည်။ တံတိုင်းတည်ဆောက်ခြင်းသည် နှစ်နိုင်ငံကို ပိုင်းခြားထားသည့် ဂိုလော့ခ်မြစ်၏ ရေကြီးရေလျှံမှုများမှ ကာကွယ်ရန်လည်း ရည်ရွယ်ကြောင်း သိရသည်။

Ref: ဘန်ကောက်ပို့စ်