ထိုင်းဝန်ကြီးချုပ် ပေတုံတန်ရှင်နာဝပ်သည် ထိုင်းနိုင်ငံတွင် ဖော်မြူလာဝမ်းကားမောင်းပြိုင်ပွဲအတွက် ရည်မှန်းထားသည်များကို မိုနာကိုမင်းသား ဒုတိယမြောက် အဲလ်ဘတ် နှင့် ယမန်နေ့က တွေ့ဆုံဆွေးနွေးခဲ့သည်။
ဖော်မြူလာဝမ်း၏ အလားအလာနှင့် ထိုင်းနိုင်ငံ၏ မော်တော်ကားမောင်းပြိုင်ပွဲ ဖွံ့ဖြိုးတိုးတက်မှု အစီအစဉ်များအတွက် မိုနာကို၏ ပံ့ပိုးကူညီမှုအပေါ် အမြင်ချင်းဖလှယ်ခဲ့ကြသည်။
ထိုင်းဝန်ကြီးချုပ်က မော်တော်ကားအားကစားကဏ္ဍများ ဖွံ့ဖြိုးတိုးတက်လာစေရန် လှုံ့ဆော်ပေးသည့် မိုနာကို ဂရင်းပရီအား ချီးကျူးစကား ပြောကြားခဲ့သည်။
မင်းသား အဲလ်ဘတ်က နတ်ရွာစံလေပြီဖြစ်သည့် ရာမ ၉ ဘုရင်အကြောင်းနှင့် ထိုင်းနိုင်ငံသို့ လာရောက်လည်ပတ်ခဲ့ဖူးသည့် ၎င်း၏အတွေ့အကြုံများကို ပြန်ပြောင်းပြောပြခဲ့ကာ မကြာမီ ထိုင်းနိုင်ငံသို့ နောက်တခေါက်အလည်လာလိုကြောင်းပြောပြီး ခိုင်မာသော ထိုင်း-မိုနာကို ဆက်ဆံရေးကို အားဖြည့်ပေးခဲ့သည်။
Ref:khaosod