ထရမ့်၏အခွန်ကြောင့်ထိုင်းနိုင်ငံတွင် နောက် ၃လ၌ အလုပ်လက်မဲ့များလာနိုင်

ထိုင်းနိုင်ငံသည် ထရမ့်က အခွန် ကို ၃၆ရာခိုင်နူန်း ကောက်ခံမှုကြောင့် ထိခို-က်ပါက ဗီယက်နမ်နှင့် မလေးရှားတို့သည် ပင်လယ်စာထွက်ကုန်များ ဈေးကွက်တွင် ပြိုင်ဆိုင်ရမည်မှာ သေချာသည်။

ထိုင်းနိုင်ငံ၏ ထုတ်လုပ်မှုကုန်ကျစရိတ်များသည် မြင့်မားလာသောကြောင့် နောက် ၃ လတွင် အလုပ်လက်မဲ့များ ပိုများလာမည်ဖြစ်သဖြင့် ပုဂ္ဂလိကကဏ္ဍများသည် ကိုယ့်အားကိုယ်ကိုး ကြရန်လိုမည်ဟုအကြံပြုထားကြောင်း သိရသည်။

အမေရိက၏ အကောက်ခွန် ၃၆ ရာခိုင်နူန်းသည် အာဆီယံတွင် အမြင့်ဆုံးဖြစ်နိုင်ပြီး ရေတိုတွင် အကျိုးသက်ရောက်မှုမှာ သိသာထင်ရှားမည်မဟုတ်သော်လည်း ရေရှည်တွင် ထိခိုက်လာမည်ဖြစ်သည်ဟု ရေထွက်ကုန်လုပ်ငန်းရှင်တစ်ဦးလည်းဖြစ် တောင်ပိုင်းစက်မှုဇုံဒုတိယဥက္ကဋ္ဌလည်းဖြစ်သည့် ဘွန်ချူ ကဆိုသည်။

အမေရိကသို့ တင်ပို့ရာတွင် ထိုင်းနိုင်ငံ၏ ပြိုင်ဖက်ဖြစ်သော အာဆီယံနိုင်ငံများမှာ အမေရိကသို့ ပို့ကုန်အ‌ပေါ် အကောက်ခွန် ၂၀% သာ ကောက်သော ဗီယက်နမ် နှင့် အကောက်ခွန် ၂၅% သာ ကောက်သော မလေးရှားတို့ဖြစ်သည်။

ထို့ကြောင့် အဆိုပါနှစ်နိုင်ငံသည် ထိုင်းနိုင်ငံမှ ဈေးကွက်ဝေစုကို အတော်လေးရယူသွားမည်ဖြစ်သည်။

၎င်းတို့ထုတ်ကုန်များသည် ထိုင်းနှင့်မကွာသော်လည်း ထိုင်းနိုင်ငံ၏ ကုန်ကျစရိတ်မှာ ပိုမိုမြင့်မားလာနိုင်သောကြောင့် အလွန်စိုးရိမ်စရာကောင်းသည်။

ပြိုင်ဆိုင်မှုအားပြင်းထန်ခြင်းကထိုင်းကိုပို၍ ရုန်းကန်စေရမည်ဖြစ်ပြီး ဗီယက်နမ်နှင့် နှိုင်းယှဉ်လျှင်ထိုင်းသည် ၁၆%ပို၍ အခွန် ပေးရသည့်အားနည်းချက်ရှိ နေသည်။

ပို့ကုန်တင်ပို့သူများကအမေရိက နှင့် ကုန်သွယ် ရေး ရှင်းတမ်းကို ကွာဟမှု နည်းအောင် လုပ်ရမည်ဖြစ်ပြီး လူတိုင်းသည် ဈေးကွက်အသစ်များကို ရှာဖွေရမည်ဖြစ်သည်။

အစိုးရက တန်ပြန်အစီအမံများ ပြင်ဆင်ထားသင့်ပြီးပုဂ္ဂလိကကဏ္ဍသည် မိမိကိုယ်ကို အတတ်နိုင်ဆုံး အားကိုးရမည်ဖြစ်သည်။နောက် ၃ လ အတွင်းအလုပ်လက်မဲ့ ပိုများလာမည်”ဟု ၎င်းက သုံးသပ်သည်။

Source: khaosod