ထရမ့်ပ်နှင့် မတွေ့မီ အီရှီဘာက လီ နှင့် တွေ့ဆုံ

ဂျပန်ဝန်ကြီးချုပ် ရှီဂီရူ အီရှီဘာသည် လုံခြုံရေးဆိုင်ရာ ပူးပေါင်းဆောင်ရွက်မှုကို ထပ်လောင်းအတည်ပြုရန်နှင့် နှစ်နိုင်ငံစလုံး၏ မဟာမိတ်အမေရိကထံမှလာသည့် စိန်ခေါ်မှုများကို ရင်ဆိုင်နေရသော အရှေ့အာရှအိမ်နီးချင်းနှစ်နိုင်ငံကြား ချစ်ကြည်ရင်းနှီးမှုကို ပြသရန်ရည်ရွယ်သော ခရီးစဉ်အဖြစ် ရောက်ရှိလာသည့် တောင်ကိုရီးယားသမ္မတ လီဂျေးမြောင်ကို တိုကျိုတွင် လက်ခံတွေ့ဆုံခဲ့သည်။

ဇွန်လတွင် သမ္မတတာဝန်ကို စတင်ထမ်းဆောင်ခဲ့ပြီးနောက် ၎င်း၏ ပထမဆုံး ဂျပန်နိုင်ငံခရီးစဉ်တွင် လီသည် စနေနေ့တွင် အီရှီဘာနှင့် တွေ့ဆုံခဲ့ကာ ၎င်းတို့၏ နောင်တော် ခေါင်းဆောင်များက လက်မှတ်ရေးထိုးခဲ့သော သုံးနိုင်ငံစာချုပ်အရ အမေရိကနှင့် ပိုမိုနီးကပ်သော လုံခြုံရေးပူးပေါင်းဆောင်ရွက်မှု အပါအဝင် နှစ်နိုင်ငံဆက်ဆံရေးနှင့် ပတ်သက်၍ ဝန်ကြီးချုပ်၏ အိမ်တော်တွင် ဆွေးနွေးခဲ့ကြသည်။

မိမိတို့နှစ်နိုင်ငံစလုံး၏ အရေးပါသော အခြေအနေအရပ်ရပ်သည် ပိုမိုပြင်းထန်လာသည်နှင့်အမျှ မိမိတို့ ဆက်ဆံရေး၏ အရေးပါမှုနှင့် အမေရိကန်ပြည်ထောင်စုနှင့် သုံးနိုင်ငံပူးပေါင်းဆောင်ရွက်ရေးတို့သည် ဆက်လက်ကျယ်ပြန့် လာရသည်ဟု အစည်းအဝေးအပြီးထုတ်ပြန်သည့် လီနှင့်အတူ ပူးတွဲကြေညာချက်တွင် အီရှီဘာက ပြောကြားခဲ့သည်။

ခေါင်းဆောင်နှစ်ဦးသည် လွန်းပြန်သံတမန်ဆက်ဆံရေးကို ပြန်လည်စတင်ရန်၊ အလုပ်အားလပ်ရက်အစီအစဉ်ကဲ့သို့သော ဖလှယ်မှုများကို တိုးချဲ့ရန်နှင့် ကာကွယ်ရေး၊ စီးပွားရေး၊ ညဏ်ရည်တုနှင့် အခြားနယ်ပယ်များတွင် ပူးပေါင်းဆောင်ရွက်မှုကို မြှင့်တင်ရေးအတွက် သဘောတူခဲ့ကြသည်။ ထို့အပြင် မြောက်ကိုရီးယား၏ နျူကလီးယားနှင့် ဒုံးကျည်ခြိမ်းခြေ-ာက်မှုများကို ဆန့်ကျင်ရာတွင် ပိုမိုနီးကပ်စွာ ပူးပေါင်းဆောင်ရွက်သွားရန်ကိုလည်း ကတိပြုခဲ့ကြသည်။

Ref: အယ်ဂျာဇီးယား