ဝါရှင်တန်၊ဒီဇင်ဘာ ၂
ရွေးကောက်ခံသမ္မတဒေါ်နယ်ထရမ့်ပ်သည် အာရပ်နှင့် အရှေ့အလယ်ပိုင်းရေးရာအကြီးတန်းအကြံပေးအဖြစ် ၎င်း၏သမီး တစ်ဖ်နီ၏ယောက္ခမဖြစ်သော လက်ဘနွန်အမေရိကန်စီးပွားရေးသမား မာဆက်ဒ်ဘူလို ကိုခန့်အပ်ခဲ့ကြောင်းသိရသည်။
၎င်းသည် ဂါဇာနှင့်လက်ဘနွန်၌ အစ္စရေး၏ထိုးစစ်အတွက် ပံ့ပိုးကူညီပေးနေသည့် ဒီမိုကရက်တစ်သမ္မတဘိုင်ဒင်ကို မလိုလားကြသော အာရပ်အမေရိကန်အများစုကြိ မဲဆွယ်ကာလအတွင်းစုစည်းပေးကာ ထရမ့်ပ်အတွက်အထောက်အကူဖြစ်စေရန်ဆောင်ရွက်ပေးခဲ့သူ လည်းဖြစ်သည်။
၎င်းစည်းရုံးသည့်အတိုင်းပင် ထရမ့်ပ်သည် အာရပ်အမေရိကန်များ အများဆုံးရှိရာဒေသများတွင် မဲအရေအတွက်အလေးသာဏခဲ့ခြင်းလည်းဖြစ်သည်။
“သူဟာ ရီပတ်ဘလစ်ကန်နဲ့ ကွန်ဆာဗေးတစ်ကို ကာလရှည်ထောက်ခံအားပေးခဲ့သူတစ်ဦးဖြစ်သလို ကျွန်တော့်ရဲ့မဲဆွယ်ကာလမှာလည်း အများကြီးအထောက်အကူပြုခဲ့သူတစ်ဦးပါ၊ဒါ့အပြင် အာရပ်အမေရိကန်လူမျိုးတွေနဲ့ဆက်ဆံရေးအတွက် အထောက်အကူပြုနိုင်မဲ့သူတစ်ဦးလည်းဖြစ်ပါတယ်” ဟု ၎င်းကပြောကြားခဲ့သည်။
ထရမ့်ပ်နှင့်ဘူလိုတို့က ရွေးကောက်ခံ ရီပတ်ဘလစ်ကန်သမ္မတသည် အရှေ့အလယ်ပိုင်းသို့ ငြိမ်းချမ်းရေးယူဆောင်လာလိမ့်မည်ဟု ပြောကြားခဲ့သော်လည်း ဒေသတွင်းအတွက်ထရမ့်ပ်၏အစီအစဉ်များနှင့် ပတ်သက်၍ တိကျသောအသေးစိတ်အချက်အလက်များကိုမူထုတ်ဖော်ပြောကြားခြင်းမရှိခဲ့ပေ။
Source : အေပီ