စစ်ကိုင်းတိုင်းဒေသကြီး အစိုးရအဖွဲ့၏ ညွှန်ကြားမှုဖြင့် စစ်ကိုင်းခရိုင် ပတ်ဝန်းကျင် ထိန်းသိမ်းရေးဦးစီးဌာနမှ ဦးဆောင်၍ ပလတ်စတစ်ကင်းစင်ရေးအတွက် စုပေါင်းအမှိုက်ကောက်ခြင်း အစီအစဉ်ကို စစ်ကိုင်းတောင်ရိုးတွင်း ဧပြီလ (၂၇) ရက်၊ နံနက်ပိုင်းက ဆောင်ရွက်ခဲ့ကြောင်း သိရသည်။
စုပေါင်းအမှိုက်ကောက်ခြင်းကို စစ်ကိုင်းတောင်ရိုး ဆွမ်းဦးပုညရှင် ဘုရားအတက်လမ်းတွင် ပတ်ဝန်းကျင်ထိန်းသိမ်းရေးဦးစီးဌာန၊ သစ်တောဦးစီးဌာန၊ အပူပိုင်းဒေသစိမ်းလန်း စိုပြေရေးဦးစီးဌာန၊ သာသနာရေးဦးစီးဌာန၊ ဝေဠုကျော်ဖောင်ဒေရှင်း၊ မြတ်သုခလူမှုကူညီရေးအသင်း၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီတို့ စုပေါင်းအမှိုက်ကောက်ခဲ့ခြင်းဖြစ်သည်။
အဆိုပါ အမှိုက်ကောက်ခြင်း အစီအစဉ်ကို ဆွမ်းဦးပုညရှင် အတက်လမ်း ဖားနှစ်ကောင်မုဒ်ဦးမှ ဘုရားရင်ပြင်တော်အထိ စုပေါင်းအမှိုက်ကောက်ခဲ့ကြခြင်း ဖြစ်သည်။
ပြီးခဲ့သည့် မတ်လ(၂၈)ရက်က လှုပ်ခဲ့သော အင်အားပြင်းငလျင်ကြောင့် စစ်ကိုင်းတောင်ရိုး နေရာအနှံ့တွင် ပျက်ဆီးဆုံးရှုံးမှုများခဲ့ပြီး တစ်လပြည့်ခါနီးအထိ ငလျင်ငယ်များလှုပ်နေသေးကြောင်း ငလျင်သင့်ဒေသခံများထံမှ သိရသည်။