ရန်ကုန်၊ ဇူလိုင် ၂၈
၂၀၂၆ ခုနှစ် တိုင်းဒေသကြီးနှင့် ပြည်နယ် တိုက်ကွမ်ဒိုပြိုင်ပွဲတွင် ရန်ကုန်တိုင်းဒေသကြီးအသင်းက အမျိုးသမီးတံခွန်စိုက်၊ အမျိုးသားတံခွန်စိုက်နှင့် စုပေါင်းတံခွန်စိုက်ဆုဖလားများကို သိမ်းပိုက်ဆွတ်ခူးခဲ့ကြောင်း သိရသည်။
အဆိုပါ ပြိုင်ပွဲ၏ ဗိုလ်လုပွဲနှင့် ဆုချီးမြှင့်ပွဲအခမ်းအနားကို ဇူလိုင် ၂၇ ရက် ညနေပိုင်းက ရန်ကုန်မြို့ သုဝဏ္ဏ အမျိုးသားအားကစားပြိုင်ပွဲရုံ (၁) ၌ ကျင်းပခဲ့ရာ မြန်မာနိုင်ငံအိုလံပစ်ကော်မတီဥက္ကဋ္ဌ၊ အားကစားရေးရာဝန်ကြီးဌာန ပြည်ထောင်စုဝန်ကြီး ဦးရဲမြင့်ထွန်းနှင့် တာဝန်ရှိသူများ တက်ရောက်၍ ကြည့်ရှုအားပေးခဲ့ကာ စုပေါင်းတံခွန်စိုက်ဆုဖလားအပြင် ဆုရရှိသူများအား ဆုတံဆိပ်နှင့် ဂုဏ်ပြုငွေများ ပေးအပ်ချီးမြှင့်ခဲ့သည်။
ယခုနှစ်ပြိုင်ပွဲတွင် အမျိုးသမီး အကောင်းဆုံးအားကစားသမားဆုကို ကယားပြည်နယ်အသင်းမှ ဒီမြာ၊ အမျိုးသား အကောင်းဆုံးအားကစားသမားဆုကို ရန်ကုန်တိုင်းဒေသကြီးအသင်းမှ ထွန်းလင်းအောင်တို့က ရရှိခဲ့ကြသည်။
အဆိုပါ ပြိုင်ပွဲကို ဇူလိုင် ၂၃ ရက်မှ ၂၇ ရက်အထိ ကျင်းပခဲ့ခြင်းဖြစ်ပြီး တိုင်းဒေသကြီးနှင့် ပြည်နယ်အသင်း ၁၅ သင်းမှ အမျိုးသား၊ အမျိုးသမီး အားကစားသမား စုစုပေါင်း ၂၉၅ ဦး ဝင်ရောက်ယှဉ်ပြိုင်ခဲ့ကြကြောင်း သိရသည်။