မကြာသေးမီက ကက်ရှ်မီးယားတွင် ဖြစ်ပွားခဲ့သော အစ္စလာမ်မစ်တို့၏ တိုက်ခိုက်မှုကြောင့် အာရှနှစ်နိုင်ငံအကြားတင်းမာမှုများ မြင့်တက်နေသောကြောင့် ဝါရှင်တန်သည် အိန္ဒိယ၊ ပါကစ္စတန် နှစ်နိုင်ငံလုံးနှင့် အဆက်အသွယ်ရှိနေကာ တာဝန်သိသော ဖြေရှင်းနည်းဖြင့် လုပ်ဆောင်ကြရန် ၎င်းတို့ကို တိုက်တွန်းခဲ့ကြောင်း အမေရိကန်နိုင်ငံခြားရေးဝန်ကြီးဌာနက တနင်္ဂနွေနေ့တွင် ပြောကြားခဲ့သည်။
တိုက်ခိုက်မှုဖြစ်အပြီးတွင် အမေရိကန်အစိုးရက အိန္ဒိယကို ထောက်ခံကြောင်း လူသိရှင်ကြား ထုတ်ဖော်ပြောဆိုခဲ့သော်လည်း ပါကစ္စတန်ဘက်ကို ဝေဖန်ခဲ့ခြင်းမရှိပေ။ ဧပြီလ ၂၂ ရက် နေ့က အိန္ဒိယအုပ်ချုပ်သည့် ကက်ရှ်မီးယားဒေသတွင် လူ ၂၆ ဦးေ-သဆုံးခဲ့သည့် တို-က်ခို-က်မှုနှင့်ပတ်သက်၍ အိန္ဒိယက ပါကစ္စတန်ကို အပြစ်တင်ခဲ့သည်။ ပါကစ္စတန်ကမူ တို-က်ခို-က်မှုနှင့် ပတ်သက်ဆက်နွယ်ခြင်းမရှိကြောင်း ငြင်းဆိုခဲ့ကာ ဖြစ်စဉ်ကို နိုင်ငံတကာက ကြားဝင်စုံစမ်းစစ်ဆေးရန် တောင်းဆိုခဲ့သည်။
“ဒါဟာ ပြောင်းလဲဖြစ်ပေါ်သွားတဲ့ အခြေအနေတစ်ရပ်ဖြစ်ပြီး ဖြစ်ထွန်းမှုတွေကို အနီးကပ်စောင့်ကြည့်နေပါတယ်၊ အိန္ဒိယ၊ ပါကစ္စတန် အစိုးရတွေရဲ့ အဆင့်အသီးသီးနဲ့ ကျွန်တော်တို့ အဆက်အသွယ်ရှိထားပါတယ်” ဟု အမေရိကန် နိုင်ငံခြားရေးဌာန ပြောရေးဆိုခွင့်ရှိသူတစ်ဦးက ရိုက်တာကို ပြောကြားခဲ့သည်။
“တာဝန်သိတဲ့ ဖြေရှင်းချက်တစ်ရပ်ဆီ ဦးတည်ပြီး ပူးပေါင်းလုပ်ဆောင်ကြဖို့ သက်ဆိုင်သူအားလုံးကို အမေရိကန်ပြည်ထောင်စုက တိုက်တွန်းပါတယ်” ဟု ပြောရေးဆိုခွင့်ရှိသူက ဆက်လက်ပြောကြားခဲ့သည်။
ဝါရှင်တန်သည် အိန္ဒိယဘက်က ရပ်တည်ကြောင်းနှင့် ပါဟယ်လ်ဂမ် အကြမ်းဖက်တို-က်ခို-က်မှုကို အပြင်းအထန်ရှုတ်ချကြောင်းလည်း မကြာသေးခင်က အမေရိကန်သမ္မတ ဒေါ်နယ်ထရမ့်ပ်နှင့် ဒုတိယသမ္မတ ဂျေဒီဗန့်စ်တို့၏ အလားတူမှတ်ချက်များအတိုင်း အမေရိကန်နိုင်ငံခြားရေးဌာန ပြောရေးဆိုခွင့်ရှိသူက ထပ်လောင်းပြောကြားသွားခဲ့သည်။
Ref: သည်စတား