ရှမ်းပြည်နယ်၊ တာချီလိတ်မြို့တွင် Online လောင်းကစားနှင့် ငွေကြေးလိမ်လည်မှုပြုလုပ်သည့် ထိုင်းနိုင်ငံသားများအပါအဝင် (၂၉)ဦးကို လုံခြုံရေးအဖွဲ့ဝင်များက ဖမ်းဆီးရမိခဲ့ကြောင်း သိရသည်။
လုံခြုံရေးအဖွဲ့ဝင်များသည် သတင်းအရ ဖေဖော် ဝါရီ ၁၂ ရက်က တာချီလိတ်မြို့၊ ဆန်ဆိုင်း(က) ရပ်ကွက်ရှိ ထိုင်းနိုင်ငံတွင်နေထိုင်သူ ဝယ်ဆန် ငှားရမ်းထားသည့်နေအိမ်အား ဝင်ရောက်ရှာဖွေစစ်ဆေးရာ Online လောင်းကစားတာဝန်ခံ မင်းကျော်နှင့် စကားပြန်၊စာရင်းကိုင် ရီရီဖြိုးတို့အပါ အဝင် အမျိုးသား(၁၁)ဦးနှင့် အမျိုးသမီး(၅)ဦးကို ဆက်စပ်ပစ္စည်းများနှင့်အတူဖမ်းဆီးရမိခဲ့ကြောင်း သိရသည်။
စစ်ဆေးချက်များအရ ဖေဖော်ဝါရီ ၁၃ ရက်ည နေပိုင်းတွင် ယင်း ရပ်ကွက်၌နေထိုင်သည့် ထိုင်းနိုင်ငံသားအမျိုးသား(၇)ဦးနှင့် မြန်မာနိုင်ငံသားအမျိုးသား(၁)ဦး၊ အမျိုးသမီး(၅)ဦးတို့အား ဆက်စပ်ပစ္စည်းများနှင့်အတူ ထပ်မံဖမ်းဆီးရမိခဲ့ကြောင်း သိရသည်။
ဖြစ်စဥ်မှ လုံခြုံရေးအဖွဲ့ဝင်များသည် Online လောင်းကစားနှင့်ငွေကြေးလိမ်လည်မှုကျူးလွန်သည့် ထိုင်းနိုင်ငံသားအမျိုးသား(၇)ဦး၊ မြန်မာ နိုင်ငံသားအမျိုးသား(၁၂)ဦး၊ အမျိုးသမီး(၁၀)ဦး (စုစုပေါင်း ၂၉ ဦး)တို့အား ကွန်ပျူတာမျိုးစုံ (၄၄၀)လုံး၊ System (CPU) ၉၀ လုံး၊ ဖုန်းမျိုးစုံ (၃၉၀)လုံး၊ လိုင်စင်မဲ့ကား(၂)စီး၊ ဘိန်းစာရွက် (အစို) ၁ ကီလိုခန့်စီပါ (၄)ထုပ်၊ ဘိန်းစာရွက်ပြုတ်ရည် ၁ လီတာပါ (၁၀)ဗူး၊ ချောင်းဆိုးပျောက်ဆေးရည်(၃၀)ပုလင်း၊ ဆက်စပ်ပစ္စည်းများနှင့်အတူ ဖမ်းဆီးရမိခဲ့ကြောင်း သိရသည်။
စစ်ဆေးချက်များအရ Online ဂိမ်းပိုင်ရှင်သည် ထိုင်းနိုင်ငံ၊ ချင်းမိုင်မြို့တွင်နေထိုင်သော ထိုင်းနိုင်ငံသား ဝယ်ဆန်နှင့် ဇနီးဖြစ်သူ ရန်ကျူးတို့ဖြစ်၍ ၎င်းတို့နှင့်အတူ ဆက်စပ်ပါဝင်သူများအား အမြန်ဆုံးဖမ်းဆီးရမိရေးအတွက် ဆက် လက်ဆောင်ရွက်လျက်ရှိကြောင်း သိရသည်။
ထို့ပြင် ဖမ်းဆီးရမိထားသူများအား ဥပဒေအရထိရောက်စွာအရေးယူနိုင်ရန်လည်း လုံခြုံရေးအ ဖွဲ့ဝင်များက ဆက်လက်ဆောင်ရွက်လျက်ရှိကြောင်း သိရသည်။