ထိုင်း – မြန်မာနယ်စပ် တာချီလိတ်မြို့တွင် ယနေ့ ဧပြီလ (၂ ၉)ရက် မွန်းလွဲပိုင်းအချိန်၌ တောင်ကျချောင်းရေနှင့်အတူ မယ်ဆိုင်ချောင်းရေ မြင့်တက်လာပြီး ရပ်ကွက်အတွင်းရှိ လူနေအိမ်အချို့ ရေဝင်ရောက်မှုဖြစ်ပွားလျက်ရှိသည်ဟု ဒေသခံသတင်းရင်းမြစ်များထံမှ သိရသည်။
မယ်ဆိုင်ချောင်းရေ မြင့်တက်လာမှုကြောင့် တာလော့၊ ပုန်းထွန်၊ မကာဟိုခမ်းရပ်ကွက်တွင် ရေစတင်ဝင်ရောက်လျက်ရှိပြီး ရပ်ကွက်နေပြည်သူများ သတိပြုနေထိုင်ကြရန် နှိုးဆော်ထားကြောင်း သိရသည်။
” မိုးများရင်တောင်ကျရေဆင်းပြီး ချောင်းရေမြင့်တက်တာက နှစ်တိုင်းပါပဲ။ အခုတော့ စောင့်ကြည့်နေပါတယ်။ ပြီးခဲ့နှစ်ကတော့ မိုးများပြီး ချောင်းရေတက်တာတွေ မြေပြိုတာတွေကြောင့် လူေ-သဆုံးမှုတွေလည်း ရှိခဲ့တယ်။ အခုတော့ရပ်ကွက်မှာ သတိပေးထားတာတွေ ရှိပါတယ်”ဟု တာချီလိတ်ဒေသခံတစ်ဦးက ဆိုသည်။
ဧပြီ(၂၇)ရက် ညပိုင်းက တာချီလိတ်ခရိုင်၊ တာလေမြို့နယ်အတွင်း လေပြင်းနှင့်အတူ မိုးသည်းထန်စွာရွာသွန်းခဲ့ခြင်းကြောင့် မိုင်းလင်းအရှေ့အုပ်စု၊ ဝမ်ဟာရွာရှိ ဘုန်းကြီးကျောင်းတစ်ကျောင်း ပျ-က်စီးဆုံးရှုံးခဲ့ရကြောင်း သိရသည်။
ပြီးခဲ့သည့်ရက်ပိုင်းက တာချီလိတ်မြို့တွင် ယခုနှစ်မိုးရာသီကာလအတွင်း ရေကြီးရေလျှံမှုလျှော့ချနိုင်ရေး ရေထိန်းနံရံများ ဆောင်ရွက်ထားရှိမှုအခြေအနေ၊ မြို့တွင်းစီးဆင်းနေသည့် ရေချောင်း၊ ရေမြောင်းကိစ္စရပ်များ ပါဝင်သည့် ဒေသဖွံ့ ဖြိုးရေးလုပ်ငန်း ညှိနှိုင်းအစည်းအဝေး ကျင်းပခဲ့ကြသေးသည်။