တရုတ်-အာဆီယံကြား ရေရှည်တည်တံ့သောဖွံ့ဖြိုးတိုးတက်မှု၊ စီးပွားရေးတည်ငြိမ်မှုနှင့် နည်းပညာတိုးတက်မှုတို့အတွက် အတူတကွပူးပေါင်းဖန်တီးမည်ဟု သိပ္ပံနှင့် နည်းပညာဝန်ကြီးဌာန၊ ဒု-ဝန်ကြီး ဒေါက်တာအောင်ဇေယျမှ တရုတ်နိုင်ငံ၊ နန်နင်းမြို့တွင် ယနေ့ သြဂုတ် ၂၇ ရက်ကကျင်းပသည့် 2025 ASEAN-Oriented Standardization Cooperation Forum ၌ပြောကြားခဲ့ခြင်းဖြစ် သည်။
တရုတ်နိုင်ငံ၏ AI အုပ်ချုပ်မှုဆိုင်ရာကျွမ်းကျင်မှုများသည် အာဆီယံ၏ပြောင်းလဲတိုးတက်နေသော ဒစ်ဂျစ်တယ်စီးပွားရေးကို ဖြည့်စွမ်းပေးနိုင်မည်ဖြစ်ကာ တရုတ်-အာဆီယံပူးပေါင်းဆောင်ရွက်မှု အားကောင်းစေရေးအတွက် တရုတ်-အာဆီယံ ဒီဂျစ်တယ်စီးပွားရေးမိတ်ဖက်ပူးပေါင်းဆောင်ရွက်မှုနှင့် အာဆီယံစမတ်မြို့များကွန်ရက်ကဲ့သို့ စီမံကိန်းများသည် အခွင့်အလမ်းကောင်းများကိုဖန်တီးပေးလျက်ရှိသည်ဟု ပြောသည်။
ထို့နောက် မြန်မာ National Institute of Metrology နှင့် ကွမ်ရှီးဒေသ Institute of Metrology and Test တို့ကြား Agreement on Cooperation in AI-Powered Metrology ကို လက်မှတ်ရေးထိုးခဲ့ကြသည်။
အဆိုပါ 2025 ASEAN-Oriented Standardization Cooperation Forum သို့ ဒု-ဝန်ကြီးဒေါက်တာအောင်ဇေယျနှင့်အတူ နန်နင်းမြို့၊ မြန်မာကောင်စစ်ဝန်ချုပ်ဒေါ်ခိုင်ဆုလင်း တက်ရောက်ခဲ့သည်။