တရုတ်-နီပေါနယ်စပ်ရေကြီး၊ လူတစ်ဦး‌ေ-သ ကာဒါဇင်နှင့်ချီ၍ပျောက်ဆုံး     

  
မိုးသည်းထန်စွာရွာသွန်းမှုကြောင့် တရုတ်နိုင်ငံနှင့် နီပေါနိုင်ငံကြားရှိ ဟိမဝန္တာတောင်ကြားဒေသတွင် အင်္ဂါနေ့က ရေကြီးပြီး လူတစ်ဦးထက်မနည်း ‌ေ-သဆုံးကာ ၂၈ ဦး ပျောက်ဆုံးလျက်ရှိသည်ဟု တာဝန်ရှိသူများနှင့် နိုင်ငံပိုင်မီဒီယာများက ပြောကြားခဲ့သည်။
          ရေလုံးကြီးများကြောင့် Bhotekoshi မြစ်ကိုဖြတ်၍ နီပေါနှင့်တရုတ်နိုင်ငံကို ဆက်သွယ်ပေးထားသည့် အဓိကတံတားများထဲမှ တစ်စင်းသည် မျောပါသွားခဲ့သည်။
          
ဇွန်လမှ စက်တင်ဘာလအတွင်း မိုးရာသီကာလတွင် တောင်အာရှနိုင်ငံတစ်ဝန်း၌ လူအသေအပျောက်ရှိသော ရေကြီး၊ မြေပြိုမှုဖြစ်စဉ်များသည် ဖြစ်လေ့ဖြစ်ထဟုဆိုနိုင်သော်လည်း ရာသီဥတုပြောင်းလဲလာမှုသည် ယင်းဖြစ်စဉ်များကို ပိုမိုဆိုးဝါးပြင်းထန်စေသည်ဟု ကျွမ်းကျင်ပညာရှင်များက ပြောကြားသည်။
         
နီပေါနိုင်ငံတွင် လူတစ်ဦး‌ေ-သဆုံးခဲ့ပြီး နီပေါနိုင်ငံသား ၁၁ ဦးနှင့် တရုတ်နိုင်ငံသား ၆ ဦး စုစုပေါင်း ၁၇ ဦး ပျောက်ဆုံးလျက်ရှိသည်ဟု နီပေါ နိုင်ငံတော် သဘာဝဘေးအန္တရာယ်လျှော့ချရေးနှင့် စီမံခန့်ခွဲရေးအာဏာပိုင်အဖွဲ့က ပြောကြားခဲ့သည်။
         
အင်္ဂါနေ့ အရုဏ်တက်ချိန်ဝန်းကျင်တွင် နယ်စပ်ဧရိယာ၌ ရွှံ့မြေပြိုခဲ့ပြီး တရုတ်နိုင်ငံဘက်ခြမ်းတွင် လူ ၁၁ ဦး ပျောက်ဆုံးလျက်ရှိသည်ဟု တရုတ်နိုင်ငံပိုင် စီစီတီဗီသတင်းဌာနက သတင်းဖော်ပြခဲ့သည်။
        
၎င်းတို့သည် နီပေါဘက်ခြမ်းတွင် မျောပါပျောက်ဆုံးသွားခဲ့သည်ဆိုသော တရုတ်ဆောက်လုပ်ရေးလုပ်သား ခြောက်ဦးအပြင်ဖြစ်သည်ဟု စီစီတီဗီက ဆိုခဲ့သည်။
          
ရာသီဥတုဖောက်ပြန်မှုကြောင့် ကမ္ဘာမြေ၏ ရေသံသရာကို ပို၍ မှန်းဆရမရလောက်အောင်ဖြစ်လာကာ ပိုမိုပြင်းထန်လာသော ရေကြီးမှုနှင့် မိုးခေါင်မှုများသည် ကပ်ဘေးဆိုး၏ အချက်ပြဖြစ်သည်ဟု ကုလသမဂ္ဂ၏ ကမ္ဘာ့မိုးလေဝသအဖွဲ့က ယမန်နှစ်တွင် ပြောကြားခဲ့သည်။

Ref: သည်မနီလာတိုင်းမ်စ်