တရုတ်နိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင် ဦးဆောင်သော မြန်မာအဆင့်မြင့်ကိုယ်စားလှယ်အဖွဲ့သည် ရှန်ဟိုင်းမြို့ရှိ လင်းကန်အထူးဒေသ (Shanghai Lingang Special Area) သို့ သွားရောက်လေ့လာခဲ့ကြောင်း သိရသည်။
လင်းကန်အထူးဒေသသည် တရုတ်နိုင်ငံက ၎င်း၏ စီးပွားရေးကို ကမ္ဘာနှင့် ပိုမိုချိတ်ဆက်နိုင်ရန် ရည်ရွယ်ဖော်ဆောင်နေသည့် အရေးပါသော စီးပွားရေးနှင့် စက်မှုဖွံ့ဖြိုးရေးဇုန်တစ်ခုဖြစ်ပြီး ပိုမိုမြင့်မားသော တံခါးဖွင့်စီးပွားရေးစနစ်နှင့် နိုင်ငံတကာအဆင့်မီ စီးပွားရေးပတ်ဝန်းကျင်တစ်ရပ် ဖော်ဆောင်ရန် ရည်မှန်းထားကြောင်းသိရသည်။
ပိုမိုနက်ရှိုင်း ကျယ်ပြန့်သော ကဏ္ဍများတွင် ဘက်စုံနှင့် အဆင့်မြင့်မားသော တံခါးဖွင့်ဝါဒ (အပြင်သို့ ပွင့်လင်းစွာ ချိတ်ဆက်မှု) ကို ပိုမိုခိုင်မာသော သန္နိဋ္ဌာန်ဖြင့် မြှင့်တင်ရန်အတွက် တရုတ် (ရှန်ဟိုင်း) လေလံလွတ်လပ်သောကုန်သွယ်မှုဇုန်၏ လင်းကန်အထူးဒေသ (Lingang Special Area) သည် အောက်ပါအချက်များ ဖြစ်လာစေရန် ကြိုးပမ်းနေကြောင်းသိရသည်။
အဆိုပါ နေရာသည် သမ္မတရှီ ၏ အထူးအာရုံစိုက်မှုနှင့်အတူ အခြား စက်မှုဇုံများနှင့်မတူသည့် မူဝါဒများ ချမှတ်ထားသည့် နေရာဖြစ်သည်။
၄င်းတို့မှာ
နိုင်ငံတကာ ဆန်းသစ်တီထွင်မှု အခြေခံစခန်း
ပြည်တွင်း/ပြည်ပမှ ပညာရှင်များ၊ ထူးချွန်ထက်မြက်သူများ ပူးပေါင်းလုပ်ဆောင်မည့် နိုင်ငံတကာအဆင့်မီ ဆန်းသစ်တီထွင်မှု၏ အရေးပါသော အခြေခံစခန်းတစ်ခု ဖြစ်လာစေရန်။
ပြည်တွင်း/ပြည်ပ ကုန်သွယ်ရေးဗဟိုချက်
ကုန်းတွင်းပိုင်း လုပ်ငန်းများနှင့် ပင်လယ်ပြင်ပ (အော့ဖ်ရှော) လုပ်ငန်းများကို ဟန်ချက်ညီညီ ပေါင်းစပ်ညှိနှိုင်းပေးမည့် အရေးပါသော ဗဟိုချက် (Hub) တစ်ခု ဖြစ်လာစေရန်။
တရုတ်ကုမ္ပဏီများ ကမ္ဘာသို့ ချီတက်ရာ အရှိန်မြှင့်တင်သည့်လမ်းကြောင်း
တရုတ်ကုမ္ပဏီများ နိုင်ငံတကာ ကမ္ဘာ့ဈေးကွက်သို့ အရှိန်အဟုန်ဖြင့် တိုးချဲ့အခြေစိုက်နိုင်ရန် အထောက်အကူပြုမည့် အရေးပါသော စပရိန်ဘုတ် (ခုန်ပျံလွှားပျံ အရှိန်မြှင့်တင်ရာလမ်း) ဖြစ်လာစေရန်။
ပြည်တွင်း/ပြည်ပ ဈေးကွက်ချိတ်ဆက်မှု လမ်းကြောင်း
ပြည်တွင်းနှင့် နိုင်ငံတကာ ဈေးကွက်များ၊ သယံဇာတ အရင်းအမြစ်များကို အပြန်အလှန် ချိတ်ဆက်ပေးမည့် အရေးပါသော လမ်းကြောင်းတစ်ခု ဖြစ်လာစေရန်။
နိုင်ငံတကာ စီးပွားရေးစီမံခန့်ခွဲမှုဆိုင်ရာ စမ်းသပ်ကွင်းပြင်
နိုင်ငံတကာ စီးပွားရေးအုပ်ချုပ်မှုနှင့် စီမံခန့်ခွဲမှု ယန္တရားများတွင် ပါဝင်ဆောင်ရွက်နိုင်ရန် အရေးပါသော စမ်းသပ်ကွင်းပြင် (Test Field) တစ်ခု ဖြစ်လာစေရန်။
၎င်း (လင်းကန်အထူးဒေသ) သည် စနစ်နှင့် လုပ်ထုံးလုပ်နည်းများတွင် ပစ်မှတ်ထားသော ဆန်းသစ်တီထွင်မှုများကို ဖော်ဆောင်ရမည်ဖြစ်ပြီး၊ အဖွဲ့အစည်းဆိုင်ရာ တိုးတက်ကောင်းမွန်မှုများကို အားဖြည့်ကာ စီးပွားရေး တိုးတက်မှု၏ အရည်အသွေးကို မြှင့်တင်ရေး စသည်တို့ပါဝင်သည်။