မြောက်ကိုရီးယားခေါင်းဆောင် ကင်မ်ဂျုံအန်သည် ၇၆ နှစ်မြောက် တရုတ်အမျိုးသားနေ့အတွက် တရုတ်သမ္မတ ရှီကျင့်ဖျင်ထံပေးပို့ခဲ့သော သဝဏ်လွှာတွင် ပေကျင်းနှင့် ဆက်ဆံရေးကို ပိုမိုခိုင်မာစေမည်ဟု ကတိပြုခဲ့ကြောင်း နိုင်ငံပိုင် ကေစီအင်န်အေသတင်းဌာနက ဗုဒ္ဓဟူးနေ့တွင် သတင်းဖော်ပြခဲ့သည်။
ပြုံယမ်းနှင့် ပေကျင်းအကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်သော ဆက်ဆံရေးကို ပိုမိုခိုင်မာကာ ဖွံ့ဖြိုးတိုးတက်စေရေးအတွက် ပူးတွဲကြိုးပမ်းသွားရန် ဆန္ဒရှိကြောင်း ရှီထံ ပေးပို့ခဲ့သော ဂုဏ်ပြုသဝဏ်လွှာတွင် မြောက်ကိုရီးယားခေါင်းဆောင်က ပြောကြားခဲ့သည်။
နိုင်ငံတကာ အခြေအနေများက မည်သို့ပင် ပြောင်းလဲပါစေ ဒီပီအာကေ-တရုတ် အစဉ်အလာ ချစ်ကြည်ရင်းနှီးမှုကို မှန်မှန်ဖွံ့ဖြိုးတိုးတက်ရေးသည် မိမိတို့၏ ပါတီနှင့် အစိုးရတို့၏ ခိုင်မာသော ရပ်တည်ချက်ဖြစ်ပါကြောင်း မြောက်ကိုရီးယား၏ အမည်အပြည့်အစုံဖြစ်သော ဒီမိုကရက်တစ် ကိုးရီးယားပြည်သူ့သမ္မတနိုင်ငံ(ဒီပီအာကေ) ဟုသုံးကာ ကင်မ်က ပြောကြားခဲ့သည်။
တရုတ်နိုင်ငံသည် ၁၉၄၉ ခုနှစ်တွင် သမ္မတနိုင်ငံတည်ထောင်ခြင်းနှစ်ပတ်လည် အခမ်းအနားများကို နှစ်စဉ် အောက်တိုဘာ ၁ ရက်နေ့တိုင်း ကျင်းပပြုလုပ်သည်။
Ref: အေအေ