ပေကျင်း၊ဧပြီ ၁၁
တရုတ်နိုင်ငံခြားရေးဝန်ကြီး မစ္စတာဝမ်ယိသည် ထိုင်းမင်းသမီး သီရိဒုံနှင့်သောကြာနေ့က ပေကျင်း၌တွေ့ဆုံခဲ့သည်ဟု သိရသည်။
တရုတ်ကွန်မြူနစ်ပါတီဗဟိုကော်မတီ၏ နိုင်ငံရေးဗျူရိုအဖွဲ့ဝင်တစ်ဦးလည်းဖြစ်သည့် မစ္စတာဝမ်ယိသည် တရုတ်သမ္မတရှီကျင့်ဖျင်၏ ထိုင်းဘုရင် မဟာဝဇီရာလောင်ကွန်းအတွက် ပေးပို့သည့်နှုတ်ခွန်းဆက်ဆုတောင်းစကားကို ဦးစွာပြောကြားခဲ့ပြီးနောက် ထိုင်းနိုင်ငံ၌ ငလျင်လှုပ်ခတ်မှုကြောင့် သေဆုံးပျက်စီးဆုံးရှုံးခဲ့ရမှုများအတွက် စိတ်မကောင်းဖြစ်မိကြောင်း ပြောကြခဲ့သည်။
မင်းသမီးသီရိဒုံသည် တရုတ်ပြည်သူများနှင့်ရင်းနှီးပြီးသားသူတစ်ဦးဖြစ်ကာ ထိုင်းနှင့်တရုတ်သံတမန်ဆက်ဆံရေး၏ သံတမန်လည်းဖြစ်ကြောင်း မစ္စတာဝမ်ကပြောကြားခဲ့ပြီး မစ္စသီရိဒုံ၏ (၅၅) ကြိမ်မြောက်တရုတ်နိုင်ငံခရီးစဉ်မှတစ်ဆင့် နှစ်ဖက်ဆက်ဆံရေး တိုးမြှင့်စေမည်ဖြစ်ကြောင်းလည်း ပြောကြားခဲ့သည်။
ဆက်လက်၍ မစ္စတာဝမ်က တရုတ်နိုင်ငံအနေဖြင့် နှစ်နိုင်ငံသံတမန်ဆက်ဆံရေး နှစ် (၅၀) ပြည့်အထိမ်းအမှတ်မှသည် နှစ်ဖက်ပြည်သူများ၏ကောင်းကျိုးအတွက် ထိုင်းနိုင်ငံနှင့်ဆက်လက်ပူးပေါင်းဆောင်ရွက်ရန်ဆန္ဒရှိကြောင်းလည်း ပြောကြားခဲ့သည်။
မစ္စသီရိဒုံကလည်း ထိုင်းတော်ဝင်မိသားစုအနေဖြင့် တရုတ်နိုင်ငံနှင့် ချစ်ကြည်ရင်းနှီးမှုကို တန်ဖိုးထားထိန်းသိမ်းမည်ဖြစ်ကာ ထိုင်းနိုင်ငံအနေဖြင့် တရုတ်နိုင်ငံနှင့်သံတမန်ဆက်ဆံရေးမှ စိုက်ပျိုးရေး၊ နည်းပညာနှင့်လက်တွေ့ကျသည့်ယဉ်ကျေးမှုဆိုင်ရာပူးပေါင်းဆောင်ရွက်မှုများကို ဖော်ဆောင်နိုင်ခဲ့သဖြင့် ဝမ်းမြောက်ကျေနပ်မိကြောင်းလည်း ပြန်လည်ပြောကြားခဲ့သည်။
Source : ရှင်းဟွာ