ဝါရှင်တန်၊ဧပြီ ၂၆
Center for China and Globalization (CCG) မှ ကိုယ်စားလှယ်အဖွဲ့သည် မကြာသေးမီက အမေရိကသို့သွားရောက်ခဲ့ပြီး ပညာရေး၊စီးပွားရေး၊မီဒီယာနှင့် နိုင်ငံတကာအဖွဲ့အစည်းများမှ ကိုယ်စားလှယ်များနှင့် ဆွေးနွေးမှုအကြိမ် ၂၀ နီးပါးပြုလုပ်ခဲ့ကြသည်ဟုသိရသည်။
ကိုယ်စားလှယ်အဖွဲ့သည် ပရင်စတန်၊နူးယော့ခ်၊ဝါရှင်တန်ဒီစီနှင့် ဘော်စတွန်မြို့များသို့ ဧပြီလ ၁၉ ရက် နေ့မှ ၂၅ ရက် နေ့အထိသွားရောက်ခဲ့ကြပြီး တရုတ်-အမေရိကန်ဆက်ဆံရေးနှင့် ကမ္ဘာလုံးဆိုင်ရာအုပ်ချုပ်မှု အပေါ်အမြင်ခြင်း ဖလှယ်ကာ အပြန်အလှန်ဆွေးနွေးခဲ့ကြသည်။
သောကြာနေ့က ဝါရှင်တန်ဒီစီ၌ကျင်းပသည့် အစည်းအဝေးအတွင်း CCG တည်ထောင်သူနှင့် ဥက္ကဋ္ဌဖြစ်သူ Wang Huiyao က အပြန်အလှန်နားလည်မှုနှင့်ယုံကြည်မှုကိုမြှင့်တင်ရန်အတွက် တရုတ်နှင့်အမေရိကန်မှပညာရှင်တို့ကြား အပြန်အလှန်ဖလှယ်မှုကို ပိုမိုပြုလုပ်ရန် မျှော်လင့်ကြောင်းလည်းပြောကြားခဲ့သည်။
၎င်းတို့၏ခရီးစဉ်အတွင်း အမေရိကန်နိုင်ငံခြားရေး မူဝါဒဆိုင်ရာ နိုင်ငံတော်ကော်မတီ၊အမေရိကန်-တရုတ်ဆက်ဆံရေး နိုင်ငံတော်ကော်မတီ၊နိုင်ငံခြား ဆက်ဆံရေးကောင်စီ၊ Quincy Institute for Responsible Statecraft နှင့် မဟာဗျူဟာ နှင့် နိုင်ငံတကာလေ့လာရေးစင်တာအစရှိသည့် အဖွဲ့အစည်းများမှ အမေရိကန်တတ်သိပညာရှင်များလာရောက်လေ့လာခဲ့ကြသည်ဟုသိရသည်။
Source : ရှင်းဟွာ