ဩဂုတ် ၂၀
တရုတ်နိုင်ငံသည် ဒုတိယကမ္ဘာစစ်အပြီး နှစ် ၈၀ ပြည့် အထိမ်းအမှတ်အဖြစ် ပေကျင်းမြို့လယ်၌ လာမည့်လတွင် ကြီးကျယ်ခမ်းနားသော စစ်ရေးပြချီတက်ပွဲတစ်ရပ်ကိုကျင်းပမည်ဖြစ်ကာ ပြင်ပကမ္ဘာသို့ ပထမဆုံးအကြိမ်အဖြစ် တရုတ်လက်နက်အသစ်များကို ထုတ်ပြမည်ဖြစ်ကြောင်း နိုင်ငံပိုင်မီဒီယာက ဖော်ပြခဲ့သည်။
“ချီတက်ပွဲမှာ တို-က်လေယာဉ်တွေနဲ့ ဗုံးကြဲလေယာဉ်တွေအပြင် နောက်ဆုံးပေါ်စစ်လက်နက်ပစ္စည်းတွေပါတဲ့ မြေပြင်တပ်ဖွဲ့တွေအပါအဝင် ရာနဲ့ချီတဲ့ ပြည်သူ့လွတ်မြောက်ရေးတပ်မတော်လေယာဉ်တွေ ပါဝင်မယ်” ဟု တရုတ်စစ်တပ် တာဝန်ရှိသူများက ဗုဒ္ဓဟူးနေ့၌ ကျင်းပပြုလုပ်သော သတင်းစာရှင်းလင်းပွဲတွင် ပြောကြားခဲ့သည်။
စစ်ရေးပြချီတက်ပွဲတွင် လေကြောင်း၊ ကုန်းကြောင်းနှင့် ရေကြောင်းတိုက်ခိုက်ရေးအဖွဲ့များ ပါဝင်မည်ဖြစ်ကြောင်း အစိုးရပိုင် ရှင်းဟွာသတင်းအေဂျင်စီက ပြောကြားခဲ့သည်။
“စစ်ရေးပြပွဲမှာ အဆင့်မြင့်တင့်ကားတွေ၊ သင်္ဘောတင် လေယာဉ်တွေနဲ့ တို-က်လေယာဉ်တွေအပါအဝင် စတုတ္ထမျိုးဆက်လက်နက်ကိရိယာအသစ်တွေကိုပြမယ်။ တရုတ်စစ်တပ်ရဲ့ စနစ်အခြေပြုတို-က်ခို-က်ရေးစွမ်းရည်ကို ပြသဖို့အတွက် စစ်ဆင်ရေးမော်ဂျူးတွေအဖြစ် စုစည်းထားပါတယ်” ဟု တရုတ်အစိုးရပိုင် ဂလိုဘယ်တိုင်းမ်းစ် မီဒီယာက ဖော်ပြခဲ့သည်။
“ဒီစစ်ရေးပြအခမ်းအနားမှာပြသထားတဲ့ လက်နက်တွေနဲ့ ကိရိယာအားလုံးဟာ ပြည်တွင်းမှာ တာဝန်ထမ်းဆောင်နေတဲ့ အဓိကတို-က်ပွဲဝင်ပစ္စည်းတွေပါပဲ။ ဒါတွေကို ပြည်တွင်းမှာပဲ ထုတ်လုပ်ပါတယ်။ ဒီအခမ်းအနားမှာ တရုတ်စစ်တပ်ရဲ့ မျိုးဆက်သစ်လက်နက်နဲ့ ပစ္စည်းကိရိယာတွေကို စုစည်းပြသထားပါတယ်” ဟု ဂလိုဘယ်တိုင်းမ်းစ် မီဒီယာက ပြောကြားခဲ့သည်။
စက်တင်ဘာလ ၃ ရက်နေ့ အခမ်းအနားသည် ၁၉၄၅ ခုနှစ်တွင် ဂျပန်တပ်များလက်နက်ချခြင်း အထိမ်းအမှတ်အဖြစ် ၂၀၁၅ ခုနှစ်နောက်ပိုင်း ဒုတိယအကြိမ်စစ်ရေးပြအခမ်းအနား ဖြစ်လာမည်ဖြစ်သည်။
တရုတ်နိုင်ငံ၏ လေယာဉ်တင်သင်္ဘောများကို ကာကွယ်ရန်အတွက် မောင်းသူမဲ့လေယာဉ်များ၊ တင့်ကားများ၊ ကြိုတင်သတိပေးလေယာဉ်များ တပ်ဆင်ထားသည့် စစ်ထရပ်များအပါအဝင် စစ်ရေးပြပွဲတွင် လက်နက်အသစ်နှင့် စက်ပစ္စည်းအသစ်များကို တရုတ်စစ်တပ်ကပြသရန် မျှော်လင့်ထားကြောင်း နိုင်ငံခြားစစ်သံမှူးများနှင့် လုံခြုံရေးလေ့လာသူများက ရို-က်တာ သတင်းဌာနသို့ ပြောကြားခဲ့သည်။
အမေရိကနှင့် ၎င်း၏မဟာမိတ်များသည် အထူးသဖြင့် တရုတ်နိုင်ငံ၏ ဒုံးကျည်လက်နက်များ အထူးသဖြင့် စစ်ဘက်ဆိုင်ရာအင်အားပြသမှုကို အနီးကပ်စောင့်ကြည့်နေမည်ဖြစ်သည်။
တပ်ဖွဲ့ပေါင်း ၄၅ ဖွဲ့ပါဝင်သည့် “အောင်ပွဲနေ့” ချီတက်ပွဲသည် မိနစ် ၇၀ ခန့် ကြာမည်ဖြစ်သည်။ တရုတ်ခေါင်းဆောင်သည် ၂၀၁၅ ခုနှစ်နောက်ဆုံးနှစ်ပတ်လည်ချီတက်ပွဲသို့လည်းတက်ရောက်ခဲ့သောရုရှားသမ္မတဗလာဒီမာပူတင်အပါအဝင်ဖိတ်ကြားထားသောနိုင်ငံခြားခေါင်းဆောင်များနှင့်ဂုဏ်သရေရှိပုဂ္ဂိုလ်များစွာနှင့်အတူလိုက်ပါသွားမည်ဖြစ်သည်။
Ref: အယ်လ်ဂျာဇီယား