ပါရီ၊မတ် ၁၅
တယ်လီဂရမ်တည်ထောင်သူ ပါဗယ်ဒူရော့ဗ် သည် ၎င်းကို ရာဇဝတ်မှုမြောက်မြားစွာဖြင့် တရားစွဲဆိုထားသည့် ပြင်သစ်နိုင်ငံမှ ယာယီထွက်ခွာခွင့်ရရှိခဲ့ကြောင်း အေအက်ဖ်ပီသတင်းဌာနကပြောကြားခဲ့သည်။
“သူ ဒီမနက်ပဲပြင်သစ်ကထွက်သွားတာပါ။အာဏာပိုင်တွေရဲ့ ယာယီထွက်ခွာခွင့်ပြုချက်နဲ့ထွက်သွားတာဖြစ်ပါတယ်” ဟု အဆိုပါကိစ္စနှင့်နီးစပ်သူတစ်ဦးကပြောကြားခဲ့သည်။
အခြားသတင်းရင်းမြစ်တစ်ခု၏အဆိုအရ တရားသူကြီးက ၎င်းကို ပြင်သစ်နိုင်ငံမှယာယီထွက်ခွာရန်ခွင့်ပြုပေးခဲ့ကြောင်းသိရပြီး ဒူရော့ဗ် သည် ယခုအခါ ဒူဘိုင်းသို့ထွက်ခွာသွားပြီဟု တတိယသတင်းရင်းမြစ် တခုကလည်းပြောကြားခဲ့သည်။
တယ်လီဂရမ်မှပြောရေးဆိုခွင့်ရှိသူ အမျိုးသမီးကို အေအက်ဖ်ပီကဆက်သွယ်ခဲ့ရာ မှတ်ချက်ပေးရန်ငြင်းဆိုခဲ့ပြီး အသေးစိတ်ကို နောက်ပိုင်းတွင်ကုမ္ပဏီဘက်မှ ကြေငြာချက်ထုတ်ပြန်ပေးမည်ဖြစ်ကြောင်းပြောကြားခဲ့သည်။
အသက် ၄၀ အရွယ်ရှိပြီဖြစ်သော ဒူရော့ဗ်သည် ၂၀၂၄ ခုနှစ် သြဂုတ်လက ပါရီမြို့ပြင်ရှိ လွတ်ဘူရေး လေဆိပ်တွင်ဖမ်းဆီးထိန်းသိမ်းခံခဲ့ရပြီး ၎င်းတည်ထောင်ခဲ့သည့် နာမည်ကြီးတယ်လီဂရမ်အက်ပ်နှင့်ပတ်သက်သည့် ချိုးဖောက်မှုများစွာဖြင့် တရားစွဲဆိုခံခဲ့ရပြီး နိုင်ငံတွင်းမှထွက်ခွာခွင့်ပိတ်ပင်ခံထားရသူဖြစ်သည်။
Source : ဖရန့်စ်ဗန့်ကတ်