မန္တလေးငလျင်ကြီးဒဏ်ကြောင့် တက္ကသိုလ်ဝင်တန်းစာမေးပွဲအဖြေလွှာများပျ-က်စီးဆုံးရှုံးခဲ့သဖြင့် ပြန် လည်ဖြေဆိုရမည့် စာစစ်ဌာနများအနက် စစ်ကိုင်းတိုင်း၊ ကန့်ဘလူမြို့ရှိ အ.ထ.က(၁ – ကန့်ဘလူ)စာစစ်ဌာန၌ မီးဘေးလုံခြုံရေးအတွက် ကွင်းဆင်းစစ်ဆေးမှုများပြုလုပ်ခဲ့ကြကြောင်း သိရသည်။
ကန့်ဘလူမြို့နယ်မီးသတ်ဦးစီးဌာနမှတပ်ဖွဲ့ဝင်များ၊ မြို့နယ်ထွေအုပ်ဦးစီးဌာနမှအဖွဲ့ဝင်များ၊ မြို့နယ်လျှပ်စစ်ဓာတ်အားဖြန့်ဖြူးရေးလုပ်ငန်းဌာနမှဝန် ထမ်းများ၊ ရဲတပ်ဖွဲ့ဝင်များနှင့် မြို့နယ်စည်ပင်ဝန်ထမ်းများက ဇွန် ၉ ရက်နံနက် ၁၀ နာရီက စစ်ဆေးခဲ့ကြခြင်းဖြစ်ကြောင်း သိရသည်။
စာစစ်ဌာန၌ ကျောင်းသား၊ကျောင်းသူများ စိတ်အေးချမ်းသာစွာဖြေဆိုနိုင်ရေးအတွက် မီးဘေးလုံခြုံရေးဆောင်ရွက်ထားမှု၊ စာဖြေဆိုရာတွင် စာရေးခုံ၊ ထိုင်ခုံများပြင်ဆင်ထားရှိမှု၊ အလင်းရောင်လုံ လောက်စွာရရှိရေး၊ ကျန်းမာရေးစောင့်ရှောက်မှုပေးရန်ပြင်ဆင်ထားမှု၊ ထမင်းဟင်းချက်ပြုတ်ရာတွင် ထင်းမီးဖိုများစနစ်တကျပြင်ဆင်ချက်ပြုတ်မှု၊ မီးသတ်ဆေးဘူးများ၊ လျှပ်စစ်ကြိုးများ၊ မီးပလပ်ဘုတ်ခုံများစနစ်တကျဆောင်ရွက်ထားရှိမှုတို့ကို စစ်ဆေးခဲ့ကြကြောင်း သိရသည်။
ဇွန် ၁၆ ရက်မှစတင်၍ ပြန်လည်ဖြေဆိုရမည့် တက္ကသိုလ်ဝင်တန်းစာမေးပွဲအား ကန့်ဘလူမြို့နယ်မှကျောင်းသား(၃၁၉)ဦး၊ ကျောင်းသူ(၃၇၄)ဦး (စုစုပေါင်း ၆၉၃ ဦး)ဝင်ရောက်ဖြေဆိုရန်စာရင်းပေးသွင်းထားကြောင်း သိရသည်။