မန်ချက်စတာယူနိုက်တက်အသင်းကနေ ထွက်ခွာလာခဲ့တဲ့ ခရစ်စတီယာနိုရော်နယ်ဒိုဟာ ဆော်ဒီကလပ် အယ်နာဆာကို ပြောင်းရွေ့ပြီး ကမ္ဘာ့လစာ အများဆုံး အားကစားသမား ဖြစ်လာပြီလို့ နာမည်ကြီး အားကစားသတင်းထောက် Fabrizio Romano ထံကနေ သိရပါတယ်။
အသက် ၃၇ နှစ်အရွယ်ရှိတဲ့ ခရစ်တီယာနိုရော်နယ်ဒိုဟာ ဆော်ဒီအာရေးဗျကလပ် အသင်းထံ ၂၀၂၅ ခုနှစ် ဇွန်လအထိ စာချုပ်ချုပ်ဆိုခဲ့တာဖြစ်ပြီး တစ်နှစ်ကို ယူရို သန်း ၂၀၀ ၀န်းကျင် ရမှာဖြစ်ပါတယ်။ ဒါဟာ အားကစားသမားတစ်ယောက်အတွက် ကမ္ဘာ့အမြင့်ဆုံး လုပ်ခလစာလည်း ဖြစ်ပါတယ်။
“အယ်နာဆာရဲ့ ရည်မှန်းချက်တွေ project တွေက တကယ့်ကို ကောင်းမွန်ပြီးကျနော့်အနေနဲ့ မတူညီတဲ့နိုင်ငံ မတူညီတဲ့လိဂ်တစ်ခုမှာ အတွေ့အကြုံသစ် ရှာဖွေသွားဖို့ အားခဲထားပါတယ်။ အသင်းဖော် အသစ်တွေနဲ့ မြန်မြန် ပူးပေါင်းပြီး အောင်မြင်မှုတွေပိုမိုရရှိဖို့ကြိုးစားသွားမှာပါ” လို့ အယ်နာဆာကို ပြောင်းရွေ့ခဲ့တဲ့ အပေါ် ရော်နယ်ဒိုကပြောပါတယ်။
“ဒါဟာ ကလပ်ရဲ့သမိုင်းတစ်ခုဆိုတာထက်ပိုပြီးကလပ်ကို ပိုကြီးကျယ်တဲ့အောင်မြင်မှုတွေရရှိအောင် တွန်းအားပေးနိုင်ပါတယ်။ဒါ့အပြင်ကျွန်တော်တို့အသင်း၊ကျွန်တော်တို့နိုင်ငံနဲ့ အနာဂတ် မျိုးဆက်သစ်တွေကို အကောင်းဆုံးပုံစံဖြစ်အောင် တွန်းအားပေးမယ့် လက်မှတ်ရေးထိုးမှုတစ်ခုပါ” ဟု အသင်းဥက္ကဌ Musli Al Muammar ကပြောကြားခဲ့သည်။
လက်ရှိအချိန်မှာ အယ်နာဆာအသင်းရဲ့ Follow အရေအတွက်ဟာ ၃ ဆခန့်မြင့်တက်ခဲ့ပြီး ရော်နယ်ဒိုနာမည်နှင့် နံပါတ်ပါ အကျီများစွာ ရောင်းချနေရတယ်လို့လည်း သိရပါတယ်။
