ထိုင်းနိုင်ငံတွင်း ကျင်းပပြုလုပ်မည့် (၃၃) ကြိမ်မြောက် ဆီးဂိမ်းပြိုင်ပွဲအတွက် ရန်ကုန်တိုင်းဘောလုံးအသင်းမှ မြန်မာယူ -၂၂ ပဏာမကစားသမား (၆)ဦးအထိ ရွေးချယ်ခံရကြောင်း သိရသည်။
အဆိုပါ ပဏာမကစားသမား(၆)ဦးမှာ ရဲထွန်းနိုင်၊ ကောင်းခန့်လွင်၊ အာကာစည်သူ၊ နေလင်းသန့်၊ သက်ပိုင်စိုးနှင့် မျိုးဟန်ငြိမ်းတို့ဖြစ်ကြောင်း အသင်းက အသိပေးထားသည်။
ရန်ကုန်တိုင်းဒေသကြီး ဘောလုံးအဖွဲ့ချုပ်အနေဖြင့် မျိုးဆက်သစ်ကစား သမားများ ရှာဖွေနိုင်ရေးနှင့်အတူ လက်ရွေးစင်အသင်းအတွက် တဖက်တလမ်းမှ အထောက်အကူပြုနိုင်ရေး ရည်မှန်းချက်များဖြင့် ဆောင်ရွက်လျက်ရှိရာ ယခုနှစ်အတွင်း သက်တမ်းအလိုက် မြန်မာ့လက်ရွေးစင် ဘောလုံးအသင်းအတွက် ကစားသမားများ ရှာဖွေပေးနိုင်ခဲ့ပြီ ဖြစ်ကြောင်း အသိပေစချက်တွင်ဖော်ပြထား သည်။
အလားတူ အသက် (၁၈)နှစ်အောက် အသင်း ဖွဲ့စည်းနိုင်ရေး အတွက် စီစဉ်ဆောင်ရွက်လျက်ရှိပြီး ယင်းအတွက် ပြိုင်ပွဲများပြုလုပ်၍ ကစားသမားရှာဖွေမှုများ၊ ရွေးချယ်မှုများ ဆ က်လက်လုပ်ဆောင်သွားမည်ဖြစ်ကြောင်း သိရသည်။
ရန်ကုန်တိုင်းဘောလုံးအသင်းသည် ပြီးခဲ့သည့်ရက်ပိုင်း ကျင်းပပြုလုပ်သည့် ကမ္ဘောဇဖလား ပြိုင်ပွဲ၌ ဒုတိယဆု ဆွတ်ခူးထားသည့် အသင်းတစ်သင်းလည်းဖြစ်သည်။
၂၀၂၅ ခုနှစ် (၃၃)ကြိမ်မြောက် ဆီးဂိမ်း အမျိုးသားဘောလုံးပြိုင်ပွဲအတွင်း အသက်ကန့်သတ်သွားမည်ဟု ထိုင်းဘောလုံးအဖွဲ့ချုပ်က အသိပေးထုတ်ပြန်ထားပြီး ပြိုင်ပွဲအတွင်း ယူ -၂၂ ကစားသမားများသာ ပါဝင်ယှဥ်ပြိုင်ခွင့်ပြုမည်ဖြစ်ကာ ၂၀၀၃ ခုနှစ်နှင့် နောက်ပိုင်းမွေးဖွားသည့်ကစားသမားများကို ယှဥ်ပြိုင်ခွင့်ပြုမည်မဟုတ်ကြောင်း အသိပေးချက်တွင် ဖော်ပြထားသည်။
(၃၃) ကြိမ်မြောက် ၂၀၂၅ ဆီးဂိမ်းပြိုင်ပွဲကို လာမည့် ဒီဇင်ဘာ (၉) ရက်မှ (၂၀) ရက်အထိ ထိုင်းနိုင်ငံ ဘန်ကောက်မြို့ ချောင်ဘူရီ နှင့် ဆောင်ခလာမြို့၌ ကျင်းပမည်ဖြစ်ပြီး ထိုင်းနိုင်ငံအနေဖြင့် ယင်းပြိုင်ပွဲကို ခုနစ်ကြိမ်မြောက် ကျင်းပခွင့်ရရှိခဲ့ခြင်းလည်းဖြစ်သည်။