ရန်ကုန်၊ ဖေဖော်ဝါရီ ၂၆
၂၀၂၄-၂၀၂၅ ဘဏ္ဍာရေးနှစ်တွင် (ပြီးခဲ့သည့်နှစ် ဧပြီလမှ စတင်ပြီး) ၁၀ လအတွင်း မြန်မာနိုင်ငံသည် ငါးတင်ပို့မှုမှ အမေရိကန်ဒေါ်လာ ၃၄၂ သန်း ဝင်ငွေရရှိခဲ့ကြောင်း ဗုဒ္ဓဟူးနေ့ထုတ် ဂလိုဘယ်လ်နူးလိုက်အော့ဖ်မြန်မာသတင်းစာက ဖော်ပြခဲ့သည်။
ယင်းကာလအတွင်း ပင်လယ်ရေကြောင်း ကုန်သွယ်မှုမှ တန်ချိန် ၁၄၆,၄၀၀ ကျော် အပါအဝင် ငါးတန်ချိန် ၃၂၀,၀၀၀ ကျော်နှင့် နိုင်ငံခြားနယ်စပ်လမ်းကြောင်းမှတစ်ဆင့် တန်ချိန် ၁၇၃,၇၀၀ ကျော် တင်ပို့ခဲ့ကြောင်း ငါးလုပ်ငန်းဦးစီးဌာနကို ကိုးကား၍ သတင်းတွင် ဖော်ပြထားသည်။
မြန်မာနိုင်ငံသည် တရုတ်၊ ထိုင်း၊ ဘင်္ဂလားဒေ့ရှ်နှင့် ဂျပန်အပါအဝင် နိုင်ငံပေါင်း ၄၀ သို့ ပင်လယ်စာများကို ပင်လယ်လမ်းကြောင်းနှင့် ကုန်းလမ်းကြောင်းပို့ဆောင်မှုများမှတစ်ဆင့် ဆက်တိုက်တင်ပို့နေကြောင်း သတင်းတွင် ဖော်ပြထားသည်။
မြန်မာနိုင်ငံသည် ငါးသလောက်၊ ငါးမြစ်ချင်း၊ ငါးခူ၊ ကကတစ် နှင့် ပင်လယ်စာများ အပါအဝင် ငါးမျိုးစိတ် ၂၀ ကျော်ကို နိုင်ငံခြားဈေးကွက်သို့ ပို့ဆောင်လျက်ရှိပြီး မြန်မာနိုင်ငံတွင် အအေးခန်း သိုလှောင်ထားသော ပင်လယ်စာ ပြုပြင်ရေး စက်ရုံပေါင်း ၁၄၀ ကျော်ရှိကြောင်း ထပ်မံဖော်ပြထားသည်။
Ref: ရှင်းဟွာ