ဆက်လက်ရှင်သန်နေမည့် ပေါ်ပြူလာ တို့၏ ပေါ်ပြူလာ

ပေါ်ပြူလာစာပေအနု ပညာဂျာနယ် သက်တမ်းနှစ်၂ဝ သို့ ရောက်ရှိခဲ့လေပြီ။ ၁၉၉၇ ခုနှစ်၊ ဇွန်လ ၃ဝ ရက် နေ့တွင် စတင်တည်ထောင်ခဲ့သည့် ပေါ်ပြူလာစာပေအနုပညာဂျာနယ် သည် ဂျာနယ်လောကတွင် နှစ်သက်ရှည်စွာ ရပ်တည်နေချေပြီ။ သက်တမ်းနှစ်၂ဝ သို့ ရောက်ရှိခဲ့လေပြီ။

မြန်မာနိုင်ငံတွင် ၁၈၉၇ ခုနှစ်၊ ဇန်နဝါရီလ ၂ ရက်နေ့တွင် သတင်းစာအမည်ခံ ဟံသာဝတီသတင်းစာ စတင်ထုတ်ဝေခဲ့သည်။ တစ်ပတ်တစ်ကြိမ်ထုတ်ဖြစ်၍ သတင်းစာ အမည်ခံသော်လည်း ဂျာနယ်သဘောပင်ဖြစ်သည်။ ယင်းအချိန်မှစပြီး ခေတ်ကာလအခြေအနေကို အခြေပြု၍ ဂျာနယ်များစွာ ပေါ် ထွက်လာခဲ့သည်။ အမျိုးသားရေး လှုပ်ရှားမှုနှင့်အတူ ထွက်ပေါ်လာ ကြသည့် ဂျာနယ်များစွာလည်း ရှိခဲ့ သည်။ ဒုတိယကမ္ဘာစစ်ပြီးနောက် တွင် ပြည်သူတစ်ရပ်လုံး ဖက်ဆစ် ဆန့်ကျင်ရေး၊ နယ်ချဲ့ဆန့်ကျင်ရေး၊ နိုင်ငံတော် လွတ် လပ်ရေးလှုံ့ဆော် သည့် ဂျာနယ်များစွာ ပေါ်ထွက်လာ ခဲ့သည်။ ယနေ့ထိလည်း ဂျာနယ်များ စွာ ထွက်ပေါ်လျက်ရှိသည်။ ထင်ရှား သော၊ သြဇာရှိသော ဂျာနယ်များစွာ ရှိခဲ့သော်လည်း သက်တမ်းရှည်သော ဂျာနယ်ကားရှားပါးလှသည်။ ခေတ် ကာလအခြေအနေ ပြောင်းလဲမှုနှင့် လုပ်ငန်းရပ်တည်မှု အခက်အခဲ ဖြတ် သန်းရခြင်းတို့ကြောင့် ငုပ်ချည် ပျောက်ချည် မြုပ်ချည် ပေါ်ချည်နှင့် ရှိခဲ့ကြသည်။ ပေါ်ပြူလာစာပေ အနုပညာဂျာ နယ်သည် ဂျာနယ်များပေါ်ပေါက်လာသည့် နှစ် ၁ဝဝ ခန့်ကြာချိန် ၁၉၉၇ ခုနှစ်၊ ဇွန်လ ၃ဝ ရက်နေ့တွင် စာဖတ်ပရိသတ်တို့အား စာပေအနုပညာရသများပေးရန် သန္နိဋ္ဌာန်ရည်မှန်းချက်များဖြင့် ပေါ်ပေါက်လာခဲ့သည်။

ပေါ်ပြူလာစာပေအနုပညာ ဂျာနယ်ကို ၁၉၉၇ခုနှစ်၊ ဇွန်လတွင် စတင်မျိုးစေ့ချခဲ့သည့်သူများကား ဆရာမြသန်းစံ၊ ဆရာအောင်ပြည့်တို့ နှင့်အတူ ဆရာဟိန်းလတ်တို့ဖြစ်သည်။ ဆရာမြသန်းစံသည် အနုပညာစကားလုံးများဖြင့် တေးချစ်သူတို့ နားထောင်၍ မရိုးနိုင်သည့် စတီဒီယိုသီချင်းများစွာ ဖန်တီးခဲ့သူဖြစ်သည်။ ယနေ့တိုင်ပင် ဆရာမြသန်းစံ၏ သီချင်းများကား တေးချစ်သူတို့ အနား ရစ်ဝဲနေဆဲဖြစ်သည်။ ဆရာအောင်ပြည့်သည် စာပေ အနုပညာ၊ ရုပ်ရှင်ဘက်စုံထူးချွန်သူဖြစ်သည်။ ပြည့်စုံသည့် စာပေ အနုပညာရှင်တစ်ဦးဖြစ်သည်။ ဆရာဟိန်းလတ်သည်လည်း ထိုအချိန်ခါကပင် စာပေလောကတွင် နှစ်၂ဝကျော် ကျင်လည်နေသူ၊ အယ်ဒီတာလုပ်ငန်းအတွေ့ အကြုံ ရှိသူဖြစ်သည်။ မတည်တည်ထောင်သူကလည်း စာပေဝါသနာရှင်ဖြစ်ပြီး အမြတ်အစွန်းထက် စာဖတ်ပရိသတ်ထံသို့ စာပေအနုပညာသတင်းမှန် များ ပေးပို့စေလိုသူဖြစ်သည်။

မျိုးစေ့ချခဲ့သည့်ဆရာများသည် ချမှတ်ထားသည့် ရည်ရွယ်ချက်၊ ဦးတည်ချက်များနှင့်အညီ စာပေ အနုပညာ၊ ရုပ်ရှင်၊ သဘင်၊ ဂီတတို့ ပကတိအခြေအနေများကိုသာ ဘက်မလိုက် တင်ဆက်ခဲ့သည်။ အချိန်တိုတွင်းမှာ စာဖတ်ပရိသတ်တို့ အားပေးမှုရရှိခဲ့သည့် ဂျာနယ်တစ် စောင်ဖြစ်လာသည်။ အခြေအနေနှင့် အချိန်အခါအလိုက် ခေတ်စနစ်တို့ ပြောင်းလဲခဲ့သော်လည်း ပေါ်ပြူလာ အယ်ဒီတာအဖွဲ့သည် တည်တည် တံ့တံ့ ဘက်မလိုက် ဆက်လက် လျှောက်လှမ်းခဲ့သည်။ အဂတိလေး ပါး ကင်းရှင်းစွာ ရဲရဲဝံ့ဝံ့ တင်ပြပေးခဲ့ သည်။

မျိုးစေ့ချခဲ့သည့်ဆရာများ၏ ရည်မှန်းချက်၊ ဦးတည်ချက်များကို မျိုးဆက်သစ်များကလည်း သွေဖည် ခြင်းမရှိ၊ အစဉ်အလာကောင်းများ ကို ဆက်လက်ထိန်းသိမ်း ဖော်ဆောင် ကြလျက်ရှိသည်ကြောင့် ပေါ်ပြူလာ စာပေအနုပညာဂျာနယ်သည် သက် ၂ဝပြည့်သည့်တိုင် ရပ်တည်နေနိုင် ခြင်းဖြစ်သည်။ စာဖတ်ပရိသတ်တို့ အားပေးမှု၊ စိတ်ဝင်စားမှုရှိနေဆဲ စာပေအနု ပညာ စာပေဂျာနယ်တစ်စောင် အဖြစ် ခိုင်မာစွာရပ်တည်နေနိုင် ခြင်းဖြစ်သည်။ ဤသို့ ရရှိပြီးသော အခြေအနေကောင်းများကို မျိုးဆက် သစ်များသည် ဆက်လက်ထိန်းသိမ်း ကာ စာပေအနုပညာဂျာနယ်စစ်စစ် အဖြစ် ဆောင်ရွက်နိုင်ကြသည်နှင့် အမျှ ပေါ်ပြူလာဂျာနယ်သည် ဆက် လက်ရှင်သန်နေမည်ကို ယုံကြည် မိပါသည်။

မြတ်မင်းလှိုင်