စွမ်းအင်အဆောက်အအုံများကိုရက်၃၀အပစ်ရပ်ရေးပူတင် သဘောတူ

အမေရိကန်သမ္မတ ဒေါ်နယ်ထရမ့်ပ်နှင့် ဖုန်းခေါ်ဆွေးနွေးခဲ့ရာတွင် ယူကရိန်းနိုင်ငံ၏ စွမ်းအင်ဆိုင်ရာ အဆောက်အအုံ ပစ်မှတ်များအပေါ် တိုက်ခိုက်မှုများကို ရက် ၃၀ ရပ်တန့်ရန် ရုရှားသမ္မတ ဗလာဒီမာပူတင်က သဘောတူခဲ့ကြောင်း သိရသည်။

အင်္ဂါနေ့က ခေါင်းဆောင်နှစ်ဦး ဖုန်းပြောအပြီးတွင် စွမ်းအင်ဆိုင်ရာ အဆောက်အအုံများအပေါ် တိုက်ခိုက်မှုရပ်ရန် ရုရှားစစ်တပ်ကို ပူတင်က အမိန့်ပေးခဲ့သည်ဟု ခရမ္မလင်ကသတင်း ထုတ်ပြန်လိုက်သည်။ သို့ရာတွင် ယူကရိန်းက အကောင်အထည်ဖော်ရန် အသင့်ဟု ပြောဆိုထားသော အမေရိကန်အဆိုပြုထားသည့် ကျယ်ပြန့်သော ရက် ၃၀ အပစ်ရပ်စဲရေးကိုမူ ပူတင်က လက်ခံခြင်းမပြုသေးဟု သိရသည်။

၂ နှစ်ကြာ စစ်ပွဲကို ခေတ္တရပ်လိုက်ချိန်တွင် ယူကရိန်းသည် စစ်သား စုဆောင်းခြင်းနှင့် လက်နက်ပြန်လည်တပ်ဆင်ခြင်းများအတွက် အသုံးချသွားနိုင်သောကြောင့် ယင်းကဲ့သို့ အပစ်အခတ်ရပ်စဲရေးကို ရုရှားခေါင်းဆောင်က စိုးရိမ်မှုရှိသည်ဟု ဆိုသည်။

ထို့အပြင် ပဋိပက္ခများတိုးမြင့်လာမှုကို တားဆီးရန်နှင့် နိုင်ငံရေး၊ သံတမန်ရေးနည်းလမ်းမှတဆင့် ဖြေရှင်းရန်လုပ်ဆောင်နေသည့် အဓိကလိုအပ်သောအခြေအနေသည် ကိဗ်သို့ ပြည်ပ စစ်ရေးအကူအညီနှင့် ထောက်လှမ်းရေးအချက်အလက်ပေးမှုတို့ကို အပြီးအပြတ်ရပ်ဆိုင်းသင့်သည်ဟုလည်း ပူတင်က ထောက်ပြခဲ့သည်။

အိမ်ဖြူတော်က ထုတ်ပြန်ခဲ့သော သတင်းထုတ်ပြန်ချက်တွင် ခေါင်းဆောင်နှစ်ဦးသည် ပင်လယ်ရေကြောင်းဆိုင်ရာ အပစ်ရပ်စဲရေးဖြစ်နိုင်ခြေအပြင် အရှေ့အလယ်ပိုင်းတွင် ကျယ်ပြန့်သော အပစ်ရပ်စဲရေးကို ချက်ချင်းစတင်မည့် အလားအလားများအတွက် ဆွေးနွေးပွဲများပြုလုပ်ရန် သဘောတူခဲ့ကြသည်ဟု ပြောဆိုခဲ့သည်။

Ref: အယ်ဂျာဇီးယား