မြန်မာအမျိုးသမီး စီးပွားရေးလုပ်ငန်းရှင်များ၏ စွမ်းအားမြှင့်တင်ခြင်း၊ MSME ဖွံ့ဖြိုးတိုးတက်မှုကို အားပေးမြှင့်တင်ခြင်းနှင့် တည်တံ့ခိုင်မြဲသော စီးပွားရေးဂေဟစနစ်ဝန်းကျင် တည်ဆောက်နိုင်ရေးတို့အတွက် မြန်မာအမျိုးသမီး စီးပွားရေးလုပ်ငန်းရှင်များကွန်ရက် (Myanmar Women Entrepreneurs Network – MYANWEN) ကို ၂၀၂၀ ခုနှစ်၊ ဧပြီလ ၂ ရက်တွင် စတင်ဖွဲ့စည်း တည်ထောင်ခဲ့သည်။
MYANWEN သည် ယခုအချိန်တွင် တိုင်းဒေသကြီး/ ပြည်နယ် (၅) ခု၌ အခြေစိုက်နိုင်ခဲ့ပြီး အသင်းဝင်ပေါင်း ၇၀၀ ကျော်ဖြင့် အရှိန်အဟုန်တိုးတက်လျက်ရှိကာ အသေးစား၊ အလတ်စားနှင့် အငယ်စား စီးပွားရေးလုပ်ငန်းရှင်ပေါင်းများစွာကို မွေးထုတ်ပေးနိုင်ခဲ့သည်။
ဒါ့အပြင် MYANWEN သည် ဖြတ်သန်းခဲ့သည့် (၅) နှစ်တာကာလအတွင်း အမျိုးသမီးလုပ်ငန်းရှင်များနှင့် MSME (၃၀၀) ကျော်အား Entrepreneurship Development၊ Business Networking၊ Mentoring နှင့် Business Matching Program များဖြင့် ပံ့ပိုးပေးခဲ့ခြင်း၊ သင်တန်း၊ Workshop နှင့် Knowledge Sharing Programme ပေါင်း (၅၀) ကျော်ကို ကျင်းပနိုင်ခဲ့ပြီး၊ AI၊ Digital Literacy၊ Financial Literacy၊ Capacity Building၊ Personal & Entrepreneurship Development နှင့် Start-up ဆိုင်ရာ အစီအစဉ်များကို အောင်မြင်စွာ အကောင်အထည်ဖော်ဆောင်ရွက်နိုင်ခဲ့သည်။
ဒါ့အပြင် ပြည်တွင်း၊ ပြည်ပ မိတ်ဖက်အဖွဲ့အစည်းများနှင့် မဟာဗျူဟာမြောက် ပူးပေါင်းဆောင်ရွက်မှု (၃၆) ခု ကို တည်ဆောက်နိုင်ခဲ့ကာ အမျိုးသမီးလုပ်ငန်းရှင်များနှင့် MSME များအတွက် အသိပညာ၊ အရင်းအမြစ်နှင့် စီးပွားရေးအခွင့်အလမ်းများ ပိုမိုဖန်တီးပေးခြင်းဖြင့် ကမ္ဘာ့ဈေးကွက်အထိ ရပ်တည်နိုင်ခဲ့ကာ နိုင်ငံတကာတွင်လည်း အမျိုးသမီးလုပ်ငန်းရှင်များသည် ဆုများအသီးသီးရယူနိုင်ခဲ့သည်။
ခေတ်နဲ့အညီပြောင်းလဲတိုးတက်လာမှုအပေါ် အသင်းဝင်များ၏ Digital Literacy၊ Digital Tools အသုံးပြုနိုင်ရေးနှင့် Financial Inclusion တိုးတက်ရေးအတွက် MYANWEN Website 2.0၊ Learning Management System (LMS) နှင့် E-commerce Platform များကို ဖော်ဆောင်နိုင်ခဲ့သည့်အပြင် AI၊ Cybersecurity နှင့် Scam Awareness ဆိုင်ရာ အသိပညာပေး အစီအစဉ်များကိုလည်း လုပ်ဆောင်နိုင်ခဲ့သည်။
သဘာဝပတ်ဝန်းကျင် ထိန်းသိမ်းရေးဆိုင်ရာ အသိပညာမြှင့်တင်ရေးတို့အတွက် Green Earth Committee ဖြင့် သဘာဝပတ်ဝန်းကျင် ထိန်းသိမ်းရေးနှင့် ရေရှည်တည်တံ့သော စီးပွားရေးဖွံ့ဖြိုးတိုးတက်မှုကို အထောက်အကူပြုနိုင်ရန် ကြိုးပမ်းဆောင်ရွက်ခဲ့သည်။
Myanmar Women Entrepreneurs Network (MYANWEN) သည် အမျိုးသမီးစီးပွားရေးလုပ်ငန်းရှင်များ၏ စွမ်းဆောင်ရည်မြှင့်တင်ရေး၊ MSME ဖွံ့ဖြိုးတိုးတက်ရေး၊ ဒစ်ဂျစ်တယ်အသွင်ကူးပြောင်းရေး၊ ကွန်ရက်ချိတ်ဆက်မှုနှင့် မဟာဗျူဟာမြောက် ပူးပေါင်းဆောင်ရွက်မှုများကို အားပေးမြှင့်တင်ကာ မြန်မာနိုင်ငံ၏ ပိုမိုပါဝင်နိုင်သော၊ ယှဉ်ပြိုင်နိုင်စွမ်းရှိသောနှင့် တည်တံ့ခိုင်မြဲသော စီးပွားရေးဂေဟစနစ်ဝန်းကျင် တည်ဆောက်ရေးတို့ကို အထောက်အကူပြုရန် ရည်ရွယ်သည့် အမျိုးသားအဆင့် စီးပွားရေးအဖွဲ့အစည်းတစ်ခု ဖြစ်သည်။