ရှမ်းယူနိုက်တက် အသင်းသည် စပိန်နိုင်ငံသား ကြံ့ခိုင်ရေးနည်းပြ ဖယ်ရန်ဖာနန်ဒက်ဇ်ပန်ညာ (Ferran Fernandez Pen a)ကို အသင်း၏ ကြံ့ခိုင်ရေးနည်းပြအဖြစ် စာချုပ်ချုပ်ဆို ခေါ်ယူလိုက်ပြီဖြစ်ကြောင်း သိရသည်။
အသက် (၂၅) နှစ်အရွယ် ဖယ်ရန်သည် Sports Science အထူးပြုဖြင့် ဘွဲ့လွန်တက်ရောက်နေသူဖြစ်ပြီး ယခင်က စပိန် တတိယတန်းကလပ် CE Europa တွင် ကြံ့ခိုင်ရေး နည်းပြအဖြစ် တာဝန်ထမ်းဆောင်ခဲ့ဖူးသူတစ်ဦးဖြစ်ကြောင်း သိရသည်။
ရှမ်းယူနိုက်တက် အသင်းနှင့် ပတ်သက်၍ ဖယ်ရန်က “မြန်မာပြည်ရဲ့ အအောင်မြင်ဆုံး အသင်းမှာ အလုပ်လုပ်ခွင့်ရလို့ ဝမ်းသာပါတယ်။ အားကစားသမားတွေအတွက် ကြံ့ခိုင်မှုက အရမ်းအရေးကြီးပါတယ်။ သူတို့ကြံ့ခိုင်မှု ပိုကောင်းအောင်၊ အောင်မြင်မှုတွေပိုရအောင် ကူညီပေးချင်ပါတယ်” ဟု ဆိုသည်။
Myanmar National League ချန်ပီယံ ရှမ်းယူနိုက်တက် အသင်းသည် ယခင်ကပြည်ပ Physiotherapist များ ခေါ်ယူခဲ့ဖူးသော အစဉ်အလာရှိသည့် အသင်းဖြစ်သည်။
ရှမ်းပြည်နယ် ကိုယ်စားပြုအသင်းတစ်သင်းဖြစ်သည့် ရှမ်းယူနိုက်တက်အသင်းသည် မကြာမီ ကစားသမားအင်အား ဖြည့်တင်းမှုအဖြစ် နိုင်ငံခြားသား ကစားသမားအသစ် (၃) ဦးအား ခေါ်ယူမည်ဖြစ်သည်ဟု အသိပေးထားသည်။
ပုံစာ – နည်းပြချုပ် ဂျပန်နိုင်ငံသား ဟီရိုနှင့်အတူ တွေ့မြင်ရသည့် စပိန်နိုင်ငံသား ကြံ့ခိုင်ရေးနည်းပြ ဖယ်ရန်ဖာနန်ဒက်ဇ်ပန်ညာ