စည်းကြပ်ခွန်များ ရက် ၉၀ လျှော့ချရေး ကန်-တရုတ် သဘောတူ

အမေရိကနှင့် တရုတ်တို့သည် ၎င်းတို့၏ ကုန်စည်များအပေါ် ချမှတ်ထားသော စည်းကြပ်ခွန်အများစုကို ရပ်ဆိုင်းရန် တနင်္လာနေ့တွင် သဘောတူညီခဲ့ကြပြီး ကမ္ဘာ့စီးပွားရေး အင်အားကြီးနှစ်နိုင်ငံအကြား ကုန်သွယ်ရေး တင်းမာမှုများ ပျ-က်ပြယ်သွားသော လုပ်ဆောင်ချက်ကို ပြသခဲ့သည်။

သဘောတူညီချက်အရ နှစ်နိုင်ငံအကြား အပြန်အလှန်အခွန်စည်းကြပ်မှုများကို ၁၂၅ ရာခိုင်နှုန်းမှ ၁၀ ရာခိုင်နှုန်းသို့ လျှော့ချသွားမည်ဖြစ်သည်။ အမေရိကသည် ဖန်တနိုင်း မူးယစ်ဆေးဝါးနှင့် ဆက်စပ်ကာ တရုတ်သွင်းကုန်များအပေါ် အခွန် ၂၀ ရာခိုင်နှုန်းချမှတ်ထားခြင်းကို ဆက်လက်ထားရှိသွားမည်ဖြစ်သောကြောင့် တရုတ်နိုင်ငံအပေါ် စုစုပေါင်း အခွန်စည်းကြပ်မှုသည် ၃၀ ရာခိုင်နှုန်း ရှိနေမည်ဖြစ်သည်။

အမေရိကနှင့် တရုတ်ကုန်သွယ်ရေး ကိုယ်စားလှယ်များသည် သီတင်းပတ်ကုန်ပိုင်းတွင် ဆွစ်ဇာလန်နိုင်ငံ၌ အရင်းအနှီးကြီးမားသော ဆွေးနွေးမှုများ လုပ်ဆောင်ခဲ့ပြီးနောက် ယခုကဲ့သို့ အောင်မြင်မှု ရရှိလာခြင်းဖြစ်သည်။

ကျွန်တော်တို့မှာ အလွန်အကျိုးရှိတဲ့ ဆွေးနွေးမှုတွေရှိခဲ့ပြီး Lake Geneva မှာရှိတဲ့ ဒီဆွေးနွေးပွဲနေရာဟာ အလွန်အပြုသဘောဆောင်တဲ့ လုပ်ငန်းစဉ်အတွက် ကောင်းမွန်တဲ့ သမမျှတမှုကို ပေါင်းစည်းပေးခဲ့တယ်လို့ ယုံကြည်ပါတယ်” ဟု အမေရိကန်ဘဏ္ဍာရေးဝန်ကြီး စကော့ ဘက်စ်စန့်က သတင်းစာရှင်းလင်းပွဲတွင် ပြောကြားခဲ့သည်။

စည်းကြပ်မှုများ ကို ရက် ၉၀ ဆိုင်းငံ့ထားရန်နှင့် အကောက်ခွန်အဆင့်များကို သိသိသာသာ လျှော့ချသွားရန် မိမိတို့ သဘောတူညီချက်ရရှိခဲ့ပြီး နှစ်ဖက်စလုံးသည် အပြန်အလှန်အခွန်စည်းကြပ်မှုများကို ၁၁၅ ရာခိုင်နှုန်း လျှော့ချသွားလိမ့်မည်ဟု ဘက်စ်စန့်က ပြောဆိုသည်။

၎င်းတို့အနေဖြင့် စီးပွားရေးနှင့် ကုန်သွယ်ရေးမူဒါဒဆိုင်ရာ ဆွေးနွေးမှုများကို ဆက်လက်လုပ်ဆောင်သွားမည်ဖြစ်ကြောင်း နှစ်နိုင်ငံစလုံးက ပြောကြားခဲ့သည်။

Ref: စီအင်န်ဘီစီ