ရှမ်း/မြောက် သီပေါ-လားရှိုးအကြားပြည်ထောင်စုလမ်းမကြီးပေါ်ရှိ စဥ့်အင်တံတားကို ဇန်နဝါရီ(၂၂)ရက်မှစတင်၍ ပြန်လည်ဖြတ်သန်းခွင့်ပြုပီုဖြစ်ကြောင်း ဒေသတွင်းခရီးသွားတစ်ဦးထံက သိရသည်။
ပြီးခဲ့သည့် ဇန်နဝါရီ(၁၆)ရက်တွင်တံတားကြံ့ခိုင်ရေးပိုမို ကောင်းမွန်စေရန်ပြန်လည်ပြင်ဆင်မှုများမှုပြုလုပ်ခဲ့ပြီး၊ (၇)ရက်အကြာပြန်လည်ဖြတ်သန်းခွင့်ပြုခြင်းဖြစ်သည်။
ယင်း တံတားပြင်ဆင်နေသည့် အချိန်အတွင်းတွင်လည်း စဉ့်အင်ဖောင်ဆိပ်ကို
နံနက် (၇)နာရီမှ ည(၇)နာရီအထိ အတက်အဆင်းယာဉ်များကို ကမ်းကူးပေးသွားမည်ဖြစ်ကြောင်း သိရသည်။
စဉ့်အင်တံတားကို ပြီးခဲ့သည့်နှစ် ဒီဇင်ဘာလအတွင်းကလည်း (၄)ရက်ကြာ ယာယီဖြတ်သန်းသွားလာခွင့် ပိတ်ကာ ခံနိုင်ဝန်အား စစ်ဆေးခဲ့ကြသေးကြောင်း သိရသည်။
စဉ့်အင်တံတားမှာ ရှမ်း/မြောက်အတွင်း ဖြစ်ပွားခဲ့သည့် ၁၀၂၇ ပထမ အကျော့တိုက်ပွဲများအတွင်း လက်နက်ကြီးထိမှန်၍ ပျက်စီးခဲ့ပြီးနောက် (၉)လခန့် အကြာတွင် ပြန်လည်ပြုပြင်၍ ဖြတ်သန်းခွင့်ပြုခဲ့ခြင်းဖြစ်သည်။
အဆိုပါ စဥ့်အင်တံတားမှ ဖြတ်သန်းခွင့်မပြုခင်အချိန်က ဒေသတွင်းခရီးသွားများအနေဖြင့် နမ့်လန်မှ ဆောင်ကြဲအထိ (၃)နာရီကြာ တောလမ်းများမှတဆင့် မောင်းနှင်ကြရပြီး ဆောင်ကြဲမှ ဟိုယ-နမ့်ပေါင်-လားရှိုးသို့ တစ်ကွေ့တစ်ပတ်သွားလာခဲ့ကြရကြောင်း သိရသည်။
ရှမ်း/မြောက်အတွင်း ပထမဆုံးဖြစ်ပွားခဲ့သည့်(၁၀၂၇)တိုက်ပွဲအတွင်း မန္တလေး-မူဆယ် ပြည်ထောင်စုလမ်းမကြီး တလျှောက်ရှိ ကျောက်မဲ- သီပေါ ဆက်သွယ်ထားသည့် ကျင်သီတံတား၊ လားရှိုး – ကွတ်ခိုင် ဆက်သွယ်ထားသည့် သိန္ဒီတံတား၊ လားရှိုး-သီပေါ ဆက်သွယ်ထားသည့် စဉ့်အင်တံတား၊ လားရှိုး – နမ္မတူ(နမ်ဆမ်)ဆက်သွယ်ထားသည့် အီနိုင်း တံတား၊ သီပေါ – နမ္မတူ ဆက်သွယ်ထားသည့် မိုးတေတံတားနှင့် ကျောက်မဲ – မိုင်ငေါ့ ဆက်သွယ်ထားသည့် နန့်မန်းတံတားတို့ ပျက်ဆီးခဲ့ရသည်။
ဓာတ်ပုံ-CJ