နိုင်ငံကို ကာလကြာရှည် အုပ်ချုပ်နေသည့် အာဏာရ People’s Action Party(PAP) အနိုင်ရရန် သေချာသလောက်ရှိပြီး ကမ္ဘာလုံးဆိုင်ရာ ကုန်သွယ်ရေးစစ်ပွဲကြောင့် စီးပွားရေးမတည်ငြိမ်ကို ရင်ဆိုင်ရမည်ဖြစ်သော ဝန်ကြီးချုပ်သစ်အတွက် လူထုထောက်ခံမှုကိုစမ်းသပ်သော စင်ကာပူရွေးကောက်ပွဲကို စနေနေ့တွင် စတင်လိုက်ပြီဖြစ်သည်။
အာဏာရပါတီ၏ အာဏာကို တင်းတင်းကျပ်ကျပ် ချုပ်ကိုင်ထားမှုကို အတို-က်အခံများက စိန်ခေါ်နိုင်မည်လားဆိုသည်နှင့် သေးငယ်သော်လည်း နောက်ဆုံးပြိုင်ပွဲတွင် မကြုံစဖူး အောင်မြင်မှုများရခဲ့ပြီးနောက် လမ်းကြောင်းသစ်များဖောက်နိုင်မည်လား ဆိုသည်တို့အတွက် စောင့်ကြည့်မှုနှင့်အတူ စင်ကာပူ၏ ၁၉၆၅ လွတ်လပ်ရေးမတိုင်ခင်ကတည်းက နိုင်ငံကို အုပ်ချုပ်လာသော လူကြိုက်များ PAP ပါတီအတွက် ရွေးကောက်ပွဲသည် စမ်းသပ်မှုတစ်ခုဖြစ်သည်။
PAP ပါတီအနေဖြင့် အမတ်နေရာ ၉၀ ရာခိုင်နှုန်းခန့်နှင့် ရွေးကောက်ပွဲ ဆက်တိုက်အနိုင်ရခဲ့သော်လည်း ဝန်ကြီးချုပ်လောရင့်ဝေါင်အနေဖြင့် ၂၀၂၀ ပြည့်နှစ် ရွေးကောက်ပွဲတွင် အဆိုးဆုံးစွမ်းဆောင်ရည်အဖြစ် မှတ်တမ်းဝင်ခဲ့သည့် PAP ၏ ၆၀ ဒဿမ ၁ ရာခိုင်းနှုန်းထက် မြင့်တက်စေလိုနေပြီး ပါတီ၏ လူကြိုက်များမဲအရေအတွက် ရရှိမှုတွင် ၎င်း၏ လုပ်ပိုင်ခွင့်အဏာအင်အားကို အတိုင်းအတာတစ်ရပ်အဖြစ် အနီးကပ်စောင့်ကြည့်နေသည်။
ပြီးခဲ့သည့်နှစ်တွင် အာရှ၏ ဘဏ္ဍာရေးအချက်အချာ၏ စတုတ္ထမြောက်ဝန်ကြီးချုပ်ဖြစ်လာခဲ့သော အသက် ၅၂ နှစ်အရွယ် ဝေါင်သည် စဉ်ဆက်မပြတ်ဖွံ့ဖြိုးတိုးတက်မှု၊ သွေးသစ်လောင်းခြင်းနှင့် စင်ကာပူနိုင်ငံကို သူ၏ ကိုယ်ပိုင်နည်းလမ်းဖြင့် ဦးဆောင်မည်ဟု ကတိပြုခဲ့သည်။
ခေတ်သစ်စင်ကာပူနိုင်ငံကို တည်ထောင်ခဲ့သူ ခေါင်းဆောင်ဟောင်း လီကွမ်ယု၏သား လီရှန်လွန်း၏ အနှစ် ၂၀ ကျော် ဝန်ကြီးချုပ်ရာထူး ပြီးဆုံးချိန်တွင် သူတာဝန်ယူခဲ့ခြင်းဖြစ်သည်။
မဲရုံများကို နံနက် ၈ နာရီတွင် ဖွင့်လှစ်ခဲ့ကာ ည ၈ နာရီတွင် မဲရုံများပိတ်မည်ဖြစ်ပြီး တနင်္ဂနွေနေ့နံနက်အစောပိုင်းတွင် ဆန္ဒမဲရလဒ်များ ထွက်ပေါ်မည်ဟု မျှော်လင့်ရသည်။