ဘဏ္ဍာရေးဆိုင်ရာကော်မရှင် ဥက္ကဋ္ဌ၊ နစက ဥက္ကဋ္ဌ ၊ ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်က ချွေတာသုံးစွဲရေးနှင့်ပတ်သက်၍ ပြောဆိုခဲ့ခြင်းဖြစ်သည်။
ဘဏ္ဍာရေးဆိုင်ရာကော်မရှင်အစည်းအဝေး(၂/ ၂၀၂၂)အား နိုဝင်ဘာ ၂၄ ရက်မွန်းလွဲပိုင်းက နေ ပြည်တော်၌ပြုလုပ်ရာသို့ တက်ရောက်၍ အမှာစကားပြောကြားရာ၌ ထည့်သွင်းပြောကြားခဲ့ခြင်းဖြစ်သည်။
စက်သုံးဆီသုံးစွဲမှုအား လျှော့ချစေလိုကာ လက်ရှိအချိန်တွင် ကမ္ဘာတစ်ဝန်းလုံး၌ စက်သုံးဆီဈေး နှုန်းများကြီးမြင့်လျက်ရှိသည်ဟု ပြောသည်။
“စက်သုံးဆီဝယ်ယူသုံးစွဲရာမှာကုန်ကျမယ့် ငွေ ကြေးအရင်းအနှီးတွေကို လျှပ်စစ်စွမ်းအင်နဲ့အ သုံးပြုတဲ့ Public transportation တွေမှာသုံးစွဲမယ်ဆိုရင် ပိုပြီးအကျိုးရှိနိုင်တာကိုတွေ့ရှိရပါတယ်”ဟု နစက ဥက္ကဋ္ဌကပြောသည်။
ထို့ကြောင့် ကုန်စည်များပို့ဆောင်ခြင်းနှင့်ခရီး သွားလာရာတွင် အဆင်ပြေချောမွေ့စေရန် ရထားပို့ဆောင်ရေးလုပ်ငန်းများအား တိုးမြှင့်ဆောင် ရွက်ပေးလျက်ရှိကာ သယ်ယူပို့ဆောင်ရေး၌ ရေကြောင်း၊ကုန်းကြောင်း၊လေကြောင်းတို့အနက် ရေကြောင်းခရီးဖြင့် သယ်ယူပို့ဆောင်ခြင်းသည် ကုန်ကျစရိတ်အသက်သာဆုံးဖြစ်သည်ဟု ပြောသည်။
“တစ်နိုင်ငံလုံးမှာ နေ့စဉ်သုံးစွဲနေတဲ့ စက်သုံးဆီကို တစ်ဦးချင်းအသိစိတ်နဲ့ လျှော့ချသုံးစွဲမယ်ဆိုရင် နိုင်ငံခြားငွေသုံးစွဲနေရတာတွေကိုလည်း လျှော့ချနိုင်မှာဖြစ်ပါတယ် ဒါ့အပြင် နိုင်ငံ့ဘဏ္ဍာငွေသုံးစွဲမှုကိုလည်းလျှော့ချလာနိုင်မှာဖြစ်ပါတယ်”ဟု နစက ဥက္ကဋ္ဌကပြောသည်။
ထို့ပြင် စိုက်ပျိုးရေး၌ရေသည် အဓိကကျ၍ ရေသုံးစွဲမှုအား အလေအလွင့်မဖြစ်စေလိုဘဲ စနစ်တ ကျအကျိုးရှိရှိ အသုံးချစေလိုကာ တိုင်းနှင့်ပြည် နယ်အလိုက် မြစ်ရေတင်စီမံကိန်းများကို အ ကောင်အထည်ဖော်ဆောင်ရွက်သကဲ့သို့ ဆည်ရေကိုလည်း စနစ်တကျသုံးစွဲရန်လိုသည်ဟု ပြော သည်။
ထို့အတူ လျှပ်စစ်ဓာတ်အားသုံးစွဲရာတွင်လည်း စနစ်တကျဖြစ်စေလိုကာ မြန်မာနိုင်ငံ၏ လျှပ်စစ်စွမ်းအင်လိုအပ်ချက်မှာကြီးမားလာနိုင်ပြီး လိုအပ် ချက်ပြည့်မီနိုင်ရန် နိုင်ငံတော်အနေဖြင့် လျှပ်စစ်စီ မံကိန်းများကို ကြိုးပမ်းဆောင်ရွက်လျက်ရှိသည်ဟု ပြောသည်။
“နိုင်ငံတော်က လျှပ်စစ်လိုအပ်ချက်ပြည့်မီစေဖို့ကို ကြိုးပမ်းဆောင်ရွက်နေသလို သုံးစွဲသူတွေ အနေနဲ့လည်း အလေအလွင့်ဖြစ်စေမယ့် ဓာတ်အားသုံးစွဲမှုတွေကို လျှော့ချကြစေလိုပါတယ်”ဟု နစက ဥက္ကဋ္ဌကပြောသည်။