ဝါရှင်တန်၊မေ ၁၉
အမေရိကန်သမ္မတဟောင်းဂျိုးဘိုင်ဒင်သည် ဆီးကျိတ်ကင်ဆာဝေဒနာကိုအပြင်းအထန်ခံစားနေရကြောင်း၊ ကင်ဆာဆဲလ်များသည် ၎င်း၏ အရိုးများအထိပင်ပျံ့နှံ့နေပြီဖြစ်ေကြာင်းသိရသည်။
အသက် ၈၂ နှစ်အရွယ်ရှိသမ္မတေဟာင်း ဂျိုးဘိုင်ဒင်သည် ဆီးနှင့်ပတ်သက်သည့်ရောဂါလက္ခဏာများကို ခံစားခဲ့ရခြင်းဖြစ်ကြောင်းသိရပြီး နောက်ပိုင်းမှသာ ၎င်း၏မိသားစုဝင်များက ဆရာဝန်များနှင့်စစ်ဆေးအတည်ပြုနိုင်ခဲ့ကာ ဆေးဆက်လက်ကုသရန်တိုင်ပင်နေသည်ဟုလည်းသိရသည်။
သမ္မတဟောင်းဘိုင်ဒင်သည် ၂၀၂၁ ခုနှစ်မှ ၂၀၂၅ ခုနှစ်အတွင်း ၎င်း၏သမ္မတသက်တမ်းကာလအတွင်း အစောပိုင်းကာလများကအဆင်ပြေသော်လည်း နောက်ပိုင်းတွင် ပုံမှန်မဟုတ်သောစကားပြောပုံများဖြင့် တစ်ခါတစ်ရံ စကားများမှားကာ ယူကရိန်းသမ္မတနှင့်ရုရှားသမ္မတနာမည်မှားခေါ်သည်အထိဖြစ်ခဲ့ကာ ဝေဒနာ၏ဒဏ်ကိုခံခဲ့ရသူလည်းဖြစ်သည်။
လက်ရှိသတင်းများအရ သမ္မတထရမ့်ပ်ကမူ သမ္မတဟောင်းဘိုင်ဒင်နှင့်၎င်း၏ဇနီးတို့အတွက် စာနာနားလည်ကာ စိတ်မကောင်းဖြစ်မိပါသည်ဟုလည်း ၎င်း၏လူမှုကွန်ရက်စာမျက်နှာတွင်ထုတ်ဖော်ပြောကြားခဲ့သည်။
“သမ္မတဟောင်းဘိုင်ဒင်ရဲ့ဆေးစစ်ချက်ကိုသိပြီးတဲ့နောက် ကျွန်တော်ရော မလီနာပါ အင်မတန်ကိုစိတ်ထိခိုက်ခဲ့ရပါတယ်၊သမ္မတဟောင်းဘိုင်ဒင်လည်း အမြန်ဆုံးကုသနိုင်ပြီး ဝေဒနာပျောက်ကင်းပါစေလို့ဆုတောင်းပေးပါတယ်” ဟုလည်း၎င်းကဆိုသည်။
Source : စီအင်န်အေ