ဂျပန်နိုင်ငံ၊ တိုကျိုမြို့ရှိ နာမည်ကျော် ကိုလခုအန်ခမ်းမ (Korakuen Hall) တွင် ယနေ့ မေလ (၁၅)ရက်၌ ကျင်းပပြုလုပ်သည့် Knock Out မွေထိုင်းပြိုင်ပွဲ၌ သွား ရောက်ယှဉ်ပြိုင်ခဲ့ကြသည့် မြန်မာကိုယ် စားပြု ရိုးရာဖိုက်တာ ဒေါင်းမိုက်သွေးနှင့် စူပါရေချမ်းတို့ အမှတ်ဖြင့် ရှုံးနိမ့်ခဲ့သည်။
မြန်မာ့လက်ဝှေ့ကျော် စူပါရေချမ်းသည် ၆၃ ကီလိုတန်းတွင် ထိုင်းနိုင်ငံသားဖိုက်တာ ကွန်နာပါနှင့် ရင်ဆိုင်ခဲ့ရာတွင် သတ် မှတ်သုံးချီအထိ အကြိတ်အနယ် ယှဉ် ပြိုင်ထိုးသတ်ခဲ့သော်လည်း သုံးချီအပြီးတွင် ဒိုင်များ၏ အဆုံးအဖြတ်အမှတ်ဖြင့် ရှုံးနိမ့်ခဲ့ခြင်းဖြစ်သည်။
အလားတူ ၅၁ ကီလိုတန်းတွင် ယှဉ်ပြိုင်ခဲ့သည့် မြန်မာဖိုက်တာ ဒေါင်းမိုက်သွေး သည်လည်း ဂျပန်အိမ်ရှင် WBC ချန်ပီယံ ဝါတာနာဘေး ကို သုံးချီအပြည့် အ ကောင်းဆုံးတုန့်ပြန် ယှဉ်ပြိုင်နိုင်ခဲ့သော် လည်း အမှတ်ဖြင့် ရှုံးနိမ့်ခဲ့ရသည်။
ယနေ့ပွဲစဉ်တွင် ရိုးရာဖိုက်တာ (၃)ဦးယှဥ်ပြိုင်သည့်အနက် တစ်ဦးအလဲထိုးဖြင့် ရှုံးနိမ့်ခဲ့ပြီး (၂)ဦးမှာ ဒိုင်ပေးမှတ်ဖြင့် ရှုံးနိမ့်ခဲ့သည်။