တိုကျို၊မတ် ၁
တောမီးများဆက်လက်ပျံ့နှံ့ လောင်ကျှမ်းနေခြင်းကြောင့် ဂျပန်အရှေ့မြောက်ပိုင်းရှိ အီဝတဲစီရင်စု၌ နောက်ထပ်အိမ်ထောင်စု ၁၀၀ ကျော်ကို စနေနေ့က ဘေးလွတ်ရာရွှေ့ပြောင်းခိုင်းထားရကြောင်းဒေသခံမီဒီယာများကဖော်ပြခဲ့သည်။
အီဝတဲစီရင်စုအစိုးရသည် နောက်ထပ်နေအိမ် ၁၄၁ လုံးမှ လူ ၃၃၃ ဦးအား ဘေးလွတ်ရာရွှေ့ပြောင်းရန် အမိန့်ထုတ်ပြန်ခဲ့ရာ ယခင်ကမူအိမ်ထောင်စု ၁,၉၀၀ ခန့်မှ နေထိုင်သူ ၄,၀၀၀ ကျော်အား အိုးအိမ်စွန့်ခွာရန်ပြောကြားခဲ့ပြီးဖြစ်ကြောင်းလည်းကျိုဒိုသတင်းတွင် ဖော်ပြထားသည်။
စုစုပေါင်း လူ ၁,၀၃၃ ဦးသည် မြို့တွင်းရှိ ဘေးလွတ်ရာ ရွှေ့ပြောင်းရေးစခန်းများတွင် ခိုလှုံနေကြရသည်ဟုလည်းသိရသည်။
ယခုအခါတွင် ဂျပန်မိမိကိုယ်ကိုယ်မိမိ ကာကွယ်ရေးတပ်ဖွဲ့၏ ရဟတ်ယာဉ်ခြောက်စီးသည် မီးငြှိမ်းသတ်ရာ ၌ပါဝင်ခဲ့ပြီး လူတစ်ဦးေ-သဆုံးကာ အိမ်ခြေ ၁၀၀ နီးပါးမီးလောင်ခဲ့ကြောင်း သတင်းတွင် ဖော်ပြထားသည်။
မီးသတ်နှင့်ဘေးအန္တရာယ်ဆိုင်ရာ စီမံခန့်ခွဲမှုအေဂျင်စီ၏အဆိုအရ ယခုတောမီးသည် ၁၉၈၀ ပြည့်လွန်အနှောင်းပိုင်း နှစ်များကတည်းက ဂျပန်နိုင်ငံ၌ဖြစ်ပွားခဲ့သောတောမီးများအနက် အကြီးမားဆုံးတောမီးဖြစ်သည်ဟုလည်းသိရသည်။
Source : ရှင်းဟွာ