မြန်မာနိုင်ငံ ဘောလုံးအဖွဲ့ချုပ်သည် မြန်မာ့လက်ရွေးစင် အသင်းများ၏ ဝတ်စုံစပွန်ဆာ အဖြစ် ဂျပန်အားကစား ဝတ်စုံလုပ်ငန်း အမှတ်တံဆိပ် Jogarbola နှင့် နှစ်ဖက်သဘောတူညီမှု MoU လက်မှတ်ရေးထိုးခဲ့ကြောင်းထုတ်ပြန်သည်။
ဂျပန်အားကစား ဝတ်စုံလုပ်ငန်း အမှတ်တံဆိပ် Jogarbola သည် မြန်မာ့ လက်ရွေးစင် အမျိုးသား အမျိုးသမီး အသင်းများ၊ ဖူဆယ် အမျိုးသား အမျိုးသမီး အသင်းများ၊ လူငယ်သက်တမ်းအလိုက် လက်ရွေးစင် အသင်းများ၊ အကယ်ဒမီများ အတွက် အားကစား ဝတ်စုံနှင့်အသုံးအဆောင် စပွန်ဆာအဖြစ် ၄ နှစ်တာ လက်တွဲဆောင်ရွက်သွားမည် ဖြစ်သည်။
ထုတ်ပြန်မှုအရ Jogarbola သည် ဗီယက်နမ်နိုင်ငံတွင် ထုတ်လုပ်ကာ လက်ရှိ ဗီယက်နမ် လက်ရွေးစင် အသင်းအား ဝတ်စုံစပွန်ဆာ ပံ့ပိုးပေးထားသော အမှတ်တံဆိပ်တစ်ခု ဖြစ်
သလိူ မြန်မာနိုင်ငံ ဘောလုံး အဖွဲ့ချုပ်၏ စပွန်ဆာ တစ်ခုဖြစ်သည့် Dong Luc ဘောလုံးနှင့် မိသားစုဖြစ်သည်ဟု ဆိုသည်။
မြန်မာနိုင်ငံ ဘောလုံးအဖွဲ့ချုပ်နှင့် Jogarbola တို့ နှစ်ဖက်သဘောတူ စာချုပ်ချုပ်ဆိုပွဲနှင့် ဂျာစီ အသစ်မိတ်ဆက်ပွဲအား မကြာမီကျင်းပ ပြုလုပ်သွားမည် ဖြစ်ပြီး မနက်ဖြန် ဇန်နဝါရီ ၁၅ ရက်မှ ၁၉ ရက်အထိ မြန်မာနိုင်ငံ ဘောလုံးအဖွဲ့ချုပ်က အိမ်ရှင်အဖြစ် လက်ခံကျင်းပမည့် AFC Women’s Futsal Asian Cup 2025 Qualifiers အုပ်စု(D)ခြေစစ်ပွဲများတွင် မြန်မာ့လက်ရွေးစင် ဖူဆယ်အမျိုးသမီး အသင်းအနေဖြင့် ဂျာစီဒီဇိုင်းအသစ်အား ဝတ်ဆင်အသုံးပြုနိုင်ဦးမည် မဟုတ်သေးကြောင်းလည်း သိရသည်။
သို့သော် Jogarbola မှကနဦး ဝတ်ဆင်ရန် ထုတ်လုပ်ထားသော ဂျာစီများကိုသာ ယာယီအသုံးပြုသွားမည် ဖြစ်သည်ဟု ဆိုသည်။
မြန်မာနိုင်ငံ ဘောလုံးအဖွဲ့ချုပ်သည် Jogarbolaနှင့် လက်မတွဲမီက ထိုင်းနိုင်ငံမှ အားကစားဝတ်စုံလုပ်ငန်း တစ်ခုဖြစ်သည့် Warrix နှင့် ၂၀၁၈ ခုနှစ် နိုဝင်ဘာ ၁ ရက်မှ ၂၀၂၄ ခုနှစ် ဒီဇင်ဘာ ၃၁ ရက်အထိ ဝတ်စုံစပွန်ဆာအဖြစ် ၆ နှစ်ကြာ လက်တွဲဆောင်ရွက်ခဲ့
ပြီး ပံ့ပိုးကူညီမှုများအတွက် Warrix အား မြန်မာနိုင်ငံ ဘောလုံးအဖွဲ့ချုပ်မှ အလေးအနက် ကျေးဇူးတင်ရှိပြီး လုပ်ငန်းများဆက်လက် အောင်မြင်မှုရရှိပါစေကြောင်းလည်း ဆုမွန်ကောင်း တောင်းထားသည်။